Karnataka: कर्नाटकमधील भाजप सरकारने गो रक्षणासाठी नवा निर्णय घेतला आहे. यामध्ये सर्व सरकारी कर्मचाऱ्यांचा एक दिवसाचा पगार कापला जाणार आहे. तो पैसा गाईंच्या रक्षणासाठी वापरला जाईल.

मुख्यमंत्री बसवराज बोम्मई यांच्या नेतृत्वातील सरकारने एक आदेश काढला आहे. सरकारी कर्मचाऱ्यांची एक दिवसाची पगार कपात होणार आहे. हा पैसा गो संरक्षणासाठी कामी आणला जाणार जाईल. कर्नाटक राज्याच्या वित्त विभागाने यासंबंधी आदेश काढला आहे.

हेही वाचाः का आहे जैन आणि हिंदु धर्मियांत साहचर्य?

''पुण्यकोटी दत्तु योजना'' या नावाने ही मोहीम राबवली जाणार आहे. भाजपशासित राज्यांमध्ये गो संरक्षणासाठी ही योजना सुरु केली जात आहे. सरकारी कर्मचाऱ्यांच्या वेतनामधून एकवेळ ही रक्कम कपात होईल. या वेतन कपातीमधून राज्य सरकार ८० ते १०० कोटी रुपये निधी उभा करणार आहे. खरं तर ही योजना मागच्या वर्षीच सुरु झालेली आहे. या योजनेच्या माध्यमातून नागरिकांना गो-पालनासाठी प्रवृत्त करण्यात येत आहे.

कर्मचाऱ्यांच्या वेतनातून कपात झालेला निधी पशुसंवर्धन विभागाकडे सुपूर्द करण्यात येणार असल्याचं सरकारने सांगितलं. यापूर्वी या योजनेमध्ये ऐच्छिक दान करण्याचा पर्याय होता. मात्र आता कर्मचाऱ्यांच्या पगारातून पैसे कपात होणार आहेत.

...तर कारण सांगावं लागेल

ज्या कर्मचाऱ्यांना अशी कपात नको असेल त्यांना याचं कारण द्यावं लागले. आपल्या विभागप्रमुखांना याबाबत अर्ज करावा लागणार आहे. २५ नोव्हेंबरपूर्वी याबाबत विभागप्रमुखांना लेखी कळवावं लागणार आहे. शिपाई, स्वच्छता कर्मचारी आणि डी ग्रेड कर्मचाऱ्यांना यातून मुभा मिळणार आहे.