बंगळूर : केंद्र सरकारचे राष्ट्रीय व्याघ्र संवर्धन प्राधिकरण (National Tiger Conservation Authority) ‘प्रकल्प टायगर’च्या ५० वर्षांच्या स्मरणार्थ गेल्या वर्षी एप्रिलमध्ये म्हैसूर येथे आलेल्या पंतप्रधान नरेंद्र मोदी (Narendra Modi) यांच्या मुक्कामाचे ८० लाखांचे न भरलेले हॉटेल बिल राज्य सरकार भरणार आहे, अशी माहिती कर्नाटकचे वनमंत्री ईश्वर खांड्रे यांनी सोमवारी दिली. रॅडिसन ब्लू हॉटेलचे (Radisson Blu Hotel) प्रलंबित बिल न भरल्याबद्दल ते त्यांच्या कार्यालयात पत्रकारांशी बोलत होते.

‘प्रोजेक्ट टायगर’ची ५० वर्षे साजरी करण्याचा कार्यक्रम एनटीसीएने आयोजित केला होता. जेव्हा कर्नाटक विधानसभा निवडणुकीच्या (Karnataka Assembly Elections) पार्श्वभूमीवर आदर्श आचारसंहिता लागू होती. या कार्यक्रमात राज्य सरकारने भाग घेतला नाही. तथापि, हॉटेलचे बिल (Hotel Bill) मात्र सरकार भरेल.

या संपूर्ण कार्यक्रमासाठी तब्बल ६.३३ कोटी रुपये खर्च आला होता; पण एनटीसीएने केवळ तीन कोटी रुपये दिले होते. हॉटेलने वन विभागांना पत्र लिहिले. कारण स्थानिक अधिकाऱ्यांनी कार्यक्रमाच्या समन्वयासाठी एनटीसीएला मदत केली होती. आता बिल भरून, आम्ही गोंधळ संपवणार आहोत, असे त्यांनी सांगितले.