तरूणांपासून वृद्धापर्यंत सर्वात लोकप्रिय असलेलं आणि पवित्र चार धामांपैकी एक केदारनाथ हिंदू धर्मियांचं श्रद्धास्थान आहे. केदारनाथ हे ठिकाण सर्वांनाच भुरळ घालते. या ठिकाणी जाण्यासाठीचे मार्ग रस्ते, तेथील वातावरण राहण्यासाठीचे मार्ग अशी सर्व माहीती सोशल मिडियावर मिळते. तर या ठिकाणचे अनेक व्हिडिओ सोशल मिडियावर मोठ्या दिसून येतात.  (Marathi Tajya Batmya)

या व्हिडिओमुळे गेल्या काही वर्षांमध्ये केदारनाथ या ठिकाणी जाण्याचं स्वप्न बनलं आहे. तर श्री बद्रीनाथ-केदारनाथ मंदिर समितीच्या कार्यकारी अधिकाऱ्यांनी मंदिर परिसरात व्हिडीओ आणि रिल्स बनवण्यावर बंदी घातली आहे. उत्तराखंडमधील केदारनाथ अनेक श्रद्धांळूंयाठी श्रध्देचं आस्थेचं स्थान आहे. पण, सोशल मीडिया इन्फ्लुएन्सर्ससाठी केदारनाथ व्ह्युज आणि लाईक्स मिळवण्यासाठीचं एक मोठं माध्यम बनलं आहे.(Latest Marathi News)

सध्या सोशल मीडियावर एक व्हिडीओ मोठ्या प्रमाणावर व्हायरल होत आहे. यामध्ये प्रसिद्ध ब्लॉगर विशाखा केदारनाथ मंदिरासमोर बॉयफ्रेंडला हातात रिंग घेऊन प्रपोज करताना दिसत आहे. हा व्हिडीओ सोशल मिडियावर व्हायरल झाल्यानंतर त्यावर वेगवेगळ्या प्रतिक्रिया समोर येत आहे. मंदिरासमोरील या व्हिडीओमुळे अनेकांच्या भावना देखील दुखावल्याचं त्यांनी म्हंटलं आहे. (Marathi Tajya Batmya)

मंदिरासमोर प्रपोज केल्याचा व्हिडीओ व्हायरल झाल्यानंतर केदारनाथ मंदिर समितीने मोठा निर्णय घेतला आहे. मंदिर समितीच्या कार्यकारी अधिकाऱ्यांनी श्री केदारनाथ मंदिर परिसरात धार्मिक भावनांच्या विरोधात युट्युब शॉर्टस, व्हिडीओ किंवा इन्स्टाग्राम रील्स बनवणाऱ्यांवर कडक नजर ठेवून आवश्यक कारवाई करण्यात येईल असं म्हंटलं आहे. ज्यामुळे भविष्यात असे प्रकार घडू नयेत, याची काळजी घेतली जाईल असंही त्यांनी म्हंटलं आहे.(Latest Marathi News)