नवी दिल्ली - देशातील एकूण सक्रिय कोरोना रुग्णांमध्ये केरळ व महाराष्ट्र या दोनच राज्यांचे ६५ टक्के रुग्ण आहेत, अशी माहिती आरोग्य व कुटुंबकल्याण मंत्रालयाने दिली. दरम्यान, देशातील सक्रिय रुग्णांची संख्या कमी होऊन सोमवारी १ लाख ८४ हजार १८२ झाली. एकूण रुग्णसंख्येतील सक्रिय रुग्णांची टक्केवारीही आणखी घटून १.७३ वर आली.
केरळमध्ये ३९.७% म्हणजे ७३, १२१ सक्रिय रुग्ण आहेत. महाराष्ट्रात देशाच्या तुलनेत २५ टक्के म्हणजे ४६,०५७ सक्रिय रुग्ण आहेत. सोमवारी (ता. २५) सकाळी आठपर्यंत देशात १६ लाख १५ हजार ५०४ जणांनी कोरोनाची लस घेतली होती. गेल्या २४ तासांत ६९४ सत्रांत ३३, ३०३ जणांनी लस घेतली. लसीकणाची आत्तापर्यंत २८,६१४ सत्रे पूर्ण झाली आहेत.
रुग्णांतील दरी वाढली
देशात कोरोनाच्या सक्रिय व बऱ्या झालेल्या रुग्णांतील दरी दिवसेंदिवस वाढत आहे. त्यामुळे, देशाचा कोरोनातून बरे होण्याचा दरही ९६.८३ टक्क्यांवर पोचला आहे. गेल्या २४ तासांत केरळमध्येच सर्वाधिक म्हणजे ५,१७३ रुग्ण बरे झाले. महाराष्ट्रात याच काळात १,७४३ जणांनी कोरोनावर मात केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.