तिरुअनंतपुरम : केरळमधील सरकारा कर्मचाऱ्यांच्या वेतनात २५ टक्के कपात करण्याचा अध्यादेश काढावा, अश शिफारस मंत्रिमंडळाने सरकारला बुधवारी केली आहे. ही कपात पाच महिन्यांसाठी असेल.
ताज्या बातम्यांसाठी डाऊनलोड करा ई-सकाळचे ऍप
पूर्वी राज्य सरकारने दोन महिन्यांचे वेतन कमी करण्याचा निर्णय घेतला होता. त्याला आक्षेप घेत विरोधकासह काही संघटना न्यायालयात गेल्या. केरळ उच्च न्यायालयाने या निर्णयाच्या प्रक्रियेला स्थगिती दिली होती. सरकारच्या नव्या निर्णयानुसार मंत्री, आमदार, सार्वजनिक विभागांचे अध्यक्ष, स्थानिक स्वराज्य संस्थांचे अध्यक्ष व सदस्यांच्या वेतनात ३० टक्के कपात सुचविण्यात आली आहे. न्यायालयातील आव्हान याचिकांवर निकाल आलेला नसल्याने अध्यादेश काढण्याचे सरकारने निश्चित केले आहे.
न्यायाधीशांच्या वेतनात कपात नाही
दरम्यान, उच्च न्यायालय आणि तेथील न्यायाधीश यांना घटनात्मक अधिकार असल्याने राज्य सरकार त्यांच्यावर निर्बंध लादू शकत नाही, असे केरळ उच्च न्यायालयाचे रजिस्ट्रार जनरल यांनी मुख्य सचिवांना लेखी कळविले आहे. त्यावर उत्तर देताना सरकार न्यायाधीशांच्या वेतनात कपात करण्याचा विचार करीत नसल्याचे मुख्यमंत्री पिनराई विजयन यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.