पश्चिम बंगालमधून धक्कादायक माहिती बातमी समोर आली आहे. कोलकातमध्ये एक आई आपल्या मुलीच्या मृतदेहासोबत ३ दिवस राहीली. माझी लाडकी जिवंत आहे असे म्हणत आई तिला जेवायला देखील विचारत होती. मात्र मुलीचा मृत्यू झाला होता. ३ दिवसानंतर जेव्हा मृतदेहाचा दुर्गंध येवू लागला तेव्हा शेजाऱ्यांनी पोलिसांना माहिती दिली. पोलिसांनी मृतदेह ताब्यात घेतला. (kolkata mother slept with daughter dead body for 3 days)

महिलेचे नाव डेबी भौमिक आहे. त्याच्या पतीचे नाव देबासिस भौमिक आहे. देबासिस सरकारी कर्मचारी होते. डेबी आपल्या पतीपासून २००६ मध्ये वेगळी झाली होती. त्यानंतर ती तिची मुलगी देबोलिनासोबत टीएन चॅटर्जी स्ट्रीटजवळील बारानगरमधील लालबारी अपार्टमेंटमध्ये राहत होती.

शेजाऱ्यांच्या दिलेल्या माहितीनुसार गेल्या मंगळवारी दुपारी त्यांच्या अपार्टमेंटमधून दुर्गंधी येत होती आणि त्यांनी याबाबत विचारणा करण्यासाठी डेबी यांच्या घराचे दार ठोकले.

दरम्यान, डेबीने दार उघडले आणि ती बेडवर पडलेल्या तिच्या मुलीकडे त्यांना घेऊन गेली, मुलगी तेथे विकृत अवस्थेत पडली होती. यावेळी डेबीने शेजाऱ्यांना सांगितले की, गेल्या दिवसापासून तिची मुलगी काही खात नाही आणि तिच्याशी बोलत नाही. हे पाहून आणि ऐकून शेजाऱ्यांच्या पायाखालची जमीन सरकली.

यावेळी तिथे उपस्थित असलेल्या शेजाऱ्यांनी डेबीला समजवण्याचा खूप प्रयत्न केला की तिची मुलगी आता नाही पण डेबीला पटले नाही आणि आपली मुलगी अजून जिवंत असल्याचे सांगत होती. महिलेची अवस्था पाहून शेजाऱ्यांनी पोलिसांना फोन करून या प्रकरणाची माहिती दिली. माहिती मिळताच पोलीस पथक घटनास्थळी पोहोचले, त्यांनी मृतदेह ताब्यात घेऊन पोस्टमार्टमसाठी पाठवला. (kolkata news)

पोलिसांनी दिलेल्या माहितीनुसार, डेबीच्या मुलीचा ३ दिवसांपूर्वी मृत्यू झाला होता. मात्र, काही वेळाने डेबीचाही मृत्यू झाला. पोलिसांनी दिलेल्या माहितीनुसार, डेबीला स्किझोफ्रेनियाचा त्रास होता. पोलिसांनी डेबीच्या पतीला मृत्यूची माहिती दिली परंतु त्यांनी मृतदेह स्वीकारण्यास नकार दिला.