उत्तर प्रदेशच्या गोरखपूरमध्ये काल रात्री एक मोठी दुर्घटना घडली आहे. या घटनेत तब्बल १३ जणांचा मृत्यू झाल्याचं वृत्त समोर आलं आहे. विहीरीवर असलेला स्लॅब कोसळल्यानं ही घटना घडल्याचं समजतंय. कुशीनगरमध्ये काल रात्री ८:३० वाजता लग्नाच्या कार्यक्रमात घडलेल्या या घटनेत १३ जणांचा विहीरीत पडून मृत्यू झाला. घटना घटडल्यानंतर परिसरात मोठी खळबळ माजली. स्थानिकांच्या मदतीने रात्री मदतकार्य सुरु होते. (13 Women Died in Kushinagar, Gorakhpur, Uttar Pradesh)

गोरखपूर जिल्ह्यातील नेबुआ नौरंगिया परिसरातील नौरंगिया स्कूल टोला येथील एका घरात लग्न समारंभ होता. यावेळी गावातील महिला व मुली लग्न असलेल्या घराजवळील विहिरीवर उभ्या होत्या. हळदीचा विधी केला सुरु केला जाणार होता. त्याचवेळी महिला आणि मुली उभ्या असल्याने विहिरीवरील लोखंडी जाळी अचानक तुटल्यानं महिला व मुली विहिरीत पडल्या. या घटनेत काही जण जखमी असून, मृत्यूचा आकडा वाढण्याची शक्यता आहे.

पंतप्रधान नरेंद्र मोदी आणि उत्तर प्रदेशचे मुख्यमंत्री योग्य आदित्यनाथ यांनीही या घटनेनंतर आपल्या भावना व्यक्त करत, मृतांच्या कुटुंबीयांचं सांत्वन केलं आहे. प्रत्येक मृताच्या नातेवाईकांना 4 लाख रुपयांची आर्थिक मदत दिली जाईल असं स्थानिक प्रशासनाकडून सांगण्यात आलं आहे.