केंद्र सरकारने कामगारांसाठी सुरू केलेल्या इ-श्रम पोर्टलला पहिल्या टप्प्यात चांगला रिस्पॉन्स मिळत असल्याचं चित्र आहे. आतापर्यंत 2.5 कोटींहून अधिक असंघटित कामगारांनी ई-श्रम पोर्टलवर नोंदणी केली आहे. हे पोर्टल 26 ऑगस्ट 2021 रोजी लाँच करण्यात आले. पोर्टल असंघटित कामगारांचा पहिला राष्ट्रीय डेटाबेस आहे. ज्यात स्थलांतरित कामगार, बांधकाम कामगार आणि प्लॅटफॉर्म कामगार यांचा समावेश आहे.
कामगार आणि रोजगार मंत्री भूपेंद्र यादव यांनी शुक्रवारी ट्विटरवर यासंदर्भात माहिती दिली. देशभरातील तीन कोटीहून अधिक असंघटित कामगारांनी ई-श्रम पोर्टलवर आपली नोंदणी केली आहे, असे ट्वीट त्यांनी केले.
38 कोटी कामगारांना फायदा
ई-श्रम पोर्टल देशातील 38 कोटीहून अधिक असंघटित कामगारांची मोफत नोंदणी करता येणार आहे. त्यांना सामाजिक सुरक्षा योजनांच्या वितरणासाठी मदत करण्यात येईल. केंद्रीय कामगार आणि रोजगार मंत्री भूपेंद्र यादव यांनी असंघटित क्षेत्रातील कामगारांचा डेटाबेस तयार करण्यासाठी आणि त्यांची देखभाल करण्यासाठी गेल्या महिन्याच्या अखेरीस ई-श्रम पोर्टल सुरू केले होते. त्याचा फायदा कामगारांना होत असल्याचं यादव म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.