Lakshadweep Tour: पंतप्रधान नरेंद्र मोदी यांनी जानेवारी महिन्यात लक्षद्वीपला भेट दिली होती. यावेळी लक्षद्वीचे काही फोटो त्यांनी सोशल मीडियावर शेअर केले होते. यावेळी त्यांना ट्रोल देखील करण्यात आले मात्र त्यांच्या फोटोमुळे म नशीब बदलले आहे.

अनेक पर्यटक लक्षद्वीपला भेट देत आहेत. नरेंद्र मोदी यांनी आवाहन केले होते की लक्षद्वीपला भेट द्या. याचा मोठा व्यापक परिणाम झाल्याचे पाहायला मिळत आहे. पर्यटन अधिकारी इम्थियास मोहम्मद टीबी यांनीही याला दुजोरा दिला आहे.

एएनआय या वृत्तसंस्थेने त्यांना पंतप्रधान मोदींच्या दौऱ्याच्या परिणामाबद्दल विचारले असता ते म्हणाले, "प्रभाव खूप मोठा आहे. या बेटाबद्दल लोकांची उत्सुकता वाढली आहे."

लक्षद्वीपला देशातूनच नाही तर विदेशातून देखील पर्यटकांची मागणी वाढली आहे. लक्षद्वीपला आणखी क्रूझ जहाज कंपन्यांना प्रोत्साहन द्यायचे आहे. हवाई कनेक्टिव्हिटी व्यवस्थित झाल्यास पर्यटकांचा ओघ वाढेल, असा विश्वास देखील पर्यटन अधिकऱ्यांनी व्यक्त केला आहे.

यापूर्वी 4 जानेवारी रोजी परराष्ट्र मंत्री एस जयशंकर म्हणाले होते की "पंतप्रधान नरेंद्र मोदी यांच्या लक्षद्वीप दौऱ्याने द्वीपसमूह आणि त्याच्या प्रचंड पर्यटन क्षमतेकडे जगाचे लक्ष वेधले आहे. लक्षद्वीपला भेट देऊन पंतप्रधान नरेंद्र मोदी यांनी पर्यटनाच्या अफाट क्षमतेवर लक्ष केंद्रित केले आहे. ही आपल्या सर्वांसाठी मोठी प्रेरणा आहे."

केंद्रशासित प्रदेश लक्षद्वीपला भेट दिल्यानंतर पंतप्रधान मोदींनी सोशल मीडियावर अनेक फोटो शेअर केले होते. नरेंद्र मोदींनी समुद्रकिनाऱ्यावर मोकळ्या आकाशाखाली छायाचित्रे क्लिक केली होती. फोटो शेअर करताना त्यांनी लक्षद्वीपला त्यांच्या गंतव्यस्थानाच्या यादीत समाविष्ट करण्याचे आवाहन केले होते.