रांची - राष्ट्रीय जनता दलाचे प्रमुख लालू प्रसाद यादव यांना जामिवरील सुटकेसाठी अजून काही काळ प्रतीक्षा करावी लागणार आहे. झारखंड उच्च न्यायालयाने यासंबंधीची चौकशी अजून सहा आठवडे पुढे ढकलली आहे.
लालू प्रसाद यादव यांच्या शिक्षेचा निम्मा कालावधी अजून संपलेला नाही. लवकर सुटका करण्यासाठी ही अट पूर्ण करणे आवश्यक असते. यासाठी अद्याप ४० दिवसांचा अवधी आहे. जामिनावरील सुनावणी याआधीही पुढे ढकलली होती. त्या वेळी केंद्रीय अन्वेषण विभागा (सीबीआय)ने झारखंड न्यायालयात आपली बाजू मांडली नव्हती. पशु खाद्याच्या निधीतील गैरव्यवहारात गुन्ह्यात लालू प्रसाद यांना चार वर्षांच्या तुरुंगवासाची शिक्षा झालेली आहे. यातील काही प्रकरणात त्यांना जामीन मंजूर झाला आहे. दुमका कोशागार भ्रष्टाचार हा लालूंविरोधात शेवटच्या गुन्हा होता आणि यात जामिनावर सुटका त्यांना आशा होती.
गेल्या महिन्यात झालेल्या सुनावणीत लालूंचे वकील कपिल सिब्बल यांनी जामीन अर्जाला जाणीवपूर्वक विलंब केला जात असल्याची टीका ‘सीबीआय’वर केली होती. बिहारच्या पशुपालन विभागातील अधिकाऱ्यांशी संबंधित १९९१ ते १९९६ मधील दुमका प्रकरणात साडेतीन कोटी रुपये कोशागारातून काढण्यात आले होते. या काळात लालू प्रसाद यादव बिहारचे मुख्यमंत्री होते. या प्रकरणात जामिनावरील सुनावणी पूर्ण न झाल्याने त्यांचा मुक्काम तुरुंगात आहे.
जगभरातील इतर बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.