इंदोर (मध्य प्रदेश) : जगभरात कोरोना व्हायरसने धुमाकूळ घालायला सुरवात केल्यानंतर देशात लॉकडाऊनची घोषणा करण्यात आली. लॉकडाऊनमुळे अनेकजण विविध ठिकाणी अडकून पडले असून, रोजगार बंद झाल्यामुळे अनेकांचे हाल होताना दिसतात. काळीज पिळवटावून टाकणारे व्हिडिओ सोशल मीडियावर व्हायरल होत असून, असाच एक व्हिडिओ व्हायरल झाला आहे.

हृदय पिळवटून टाकणारे छायाचित्र...

देशभरात लॉकडाऊनमुळे अनेकजण हजारो किलोमीटर चालत आपल्या घरी जाताना दिसतात. हजारो किलोमीटर चालल्यामुळे अनेकांना जीव गमवावा लागला आहे. उन्हामध्ये अनेकजण आपल्या लहान मुलांना घेऊन चालत असल्याची छायाचित्रे सोशल मीडियावर व्हायरल होत असून, अनेकजण प्रतिक्रियांच्या माध्यमातून व्यक्त होताना दिसतात. मध्य प्रदेशातील एका बैलगाडीचा व्हिडिओ व्हायरल होत आहे.

महिलेची चालता-चालता प्रसुती; व्हिडिओ व्हायरल...

देशात नांगरण्यासाठी बैल नसल्यामुळे शेतकरी स्वतःला जुपंत असल्याचे छायाचित्रे व व्हिडिओ पाहिले आहेत. पण, घरी जाताना बैलगाडीला एकच बैल असल्यामुळे दुसऱयाबाजूला स्वतःला जुपंल्याचा प्रकार समोर आला आहे. पण, याबाबतची माहिती जाणून घेतल्यानंतर काळजाचा ठोका चुकतो. यावरून किती गंभीर परिस्थिती आहे, हे पाहायला मिळते.

चिमुकली रडू लागताच बापाने गिळला अवंढा...

एक दांपत्य मजुरीसाठी इंदोरमध्ये गेले होते. तेथे बैलगाडी विकत घेऊन हमालीचे काम सुरू केले. पण, लॉकडाऊनमुळे काम बंद झाले. शिवाय, जवळ असलेले पैसेही संपले. जवळील अन्नही संपल्यामुळे त्यांनी काळजावर दगड ठेवून एक बैल विकण्याचा निर्णय घेतला. पंधरा हजार रुपयांना विकत घेतलेला एक बैल केवळ पाच हजार रुपयांना विकला. काम नसल्यामुळे गावी परतण्याचा निर्णय घेतला पण एका बैलावर गाडी कशी न्यायची हा प्रश्न उभा राहिला. पण, एका बाजूला बैल आणि दुसऱया बाजूला आपण स्वतःला जुंपून घेण्याचा निर्णय घेत ते गावी निघाले. रस्त्यावरून जात असताना अनेकजण पाहात होते. काही जण मोबाईलमध्ये कैद करत होते. संबंधित व्हिडिओ सोशल मीडियावर व्हायरल झाला आहे.