नवी दिल्ली - लोकसभा निवडणुकीच्या पहिल्या टप्प्प्यातील मतदानासाठी प्रशासकीय यंत्रणा सज्ज झाली असून आज (ता.१९) २१ राज्यांतील १०२ मतदारसंघांमध्ये मतदान पार पडेल. राज्यात विदर्भातील पाच मतदारसंघांमध्ये मतदान होत आहे. तमिळनाडूतील सर्व म्हणजे ३९ लोकसभा मतदारसंघांत पहिल्याच टप्प्यात मतदान होईल. देशातील कोट्यवधी मतदार मतदानाचा हक्क बजावतील.
संवेदनशील भागांत ‘ईव्हीएम मशीन व मतदान अधिकाऱ्यांना पोचविण्यासाठी हेलिकॉप्टरचा वापर केला जात आहे. केंद्रीयमंत्री नितीन गडकरी (नागपूर), किरेन रिजिजू (अरुणाचल पश्चिम), अर्जुनराम मेघवाल (बिकानेर), सर्वानंद सोनोवाल (दिब्रुगड), जितेंद्र सिंह (उधमपूर), काँग्रेस नेते गौरव गोगोई (जोरहाट), माजी मंत्री ए. राजा (निलगिरी), कार्ती चिदंबरम (शिवगंगा), चिराग पासवान (हाजीपूर) या दिग्गजांचे भवितव्य ‘ईव्हीएम’मध्ये बंद होणार आहे.
महाराष्ट्रातील एकूण पाच मतदारसंघांत मतदान पार पडेल त्यात नागपूर, रामटेक, चंद्रपूर, गडचिरोली- चिमूर व भंडारा- गोंदिया या मतदारसंघांचा समावेश आहे. अरुणाचल प्रदेश व सिक्कीमधील ९२ विधानसभा मतदारसंघांमध्येही मतदान होणार आहे. विधानसभा निवडणुकीसाठी वेगळा बंदोबस्त तैनात करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.