नवी दिल्ली : लोकसभा निवडणूक २०२४ मध्ये भाजपचा पराभव करण्याच्या उद्देशाने स्थापन करण्यात आलेल्या इंडिया आघाडीची तिसरी बैठक ३१ ऑगस्ट आणि १ सप्टेंबर रोजी मुंबईत होणार आहे. त्याचवेळी भारतीय जनता पक्षाने (भाजप) ट्विटद्वारे विरोधी आघाडीवर टीका केली आहे. (Latest Marathi News)

भाजपने पंतप्रधान नरेंद्र मोदी यांची तुलना हॉलिवूडच्या प्रसिद्ध सायन्स फिक्शन फिल्म 'टर्मिनेटर'शी केली आहे. भाजपने म्हटलं की, 'टर्मिनेटर नेहमीच जिंकतो. मोदी 2024 मध्ये परत येणार आहेत. (Marathi Tajya Batmya)

भाजपने ट्विटवर पोस्टर शेअर करत म्हटलं की, विरोधकांना वाटतं की, २०२४च्या लोकसभा निवडणुकीत ते मोदींचा पराभव करू शकतील. मात्र विरोधक केवळ स्वप्न पाहात आहेत. त्यांनी खुशाल स्वप्न पाहावे. मात्र टर्मिनेटर नेहमीच जिंकत असतो. त्याचप्रमाणे २०२४ मध्ये मोदी पुन्हा परत येणार आहेत.