नवी दिल्ली : देशात कोरोना व्हायरसचा संसर्ग मोठ्या प्रमाणात वाढत आहे. ताप, सर्दी, खोकला आणि श्वसनास त्रास यांसारख्या आजाराकडे कोरोनाची लक्षणे म्हणून पाहिले जाते. तसेच त्यानुसार तपासणी केली जाते. मात्र, आता यामध्ये आणखी काही लक्षणांची भर पडली आहे.
कोरोनाच्या लक्षणांनी रुप बदलले असून, आता चव आणि वास या दोन संवेदना जाणवत नसल्यास संबंधित व्यक्तीला कोरोनाची लागण झाल्याचे स्पष्ट होऊ शकते. केंद्रीय आरोग्य मंत्रालयाने कोरोनाच्या लक्षणांमध्ये आणखी दोन लक्षणांचा समावेश केला आहे.
कोरोनाची चाचणी करण्यासाठीच्या निकषांमध्ये अचानक तोंडाची चव जाणे, संवेदना (वास) नसणे या लक्षणांचाही आता समावेश करण्यात आला आहे. यापूर्वी नाक गळणे, घसा खवखवणे किंवा दुखणे, ताप येणे, श्वास घेण्यास त्रास होणे, थकवा येणे, पोट बिघडणे, अंगदुखी आदी कोरोनाची लक्षणे मानली जातात. यामध्ये आणखी दोन लक्षणांचा समवेश झाला आहे.
पुण्याच्या बातम्या वाचण्यासाठी येथे क्लिक करा
सुरुवातीला कोरोनाचा संसर्ग होतो कसा त्याची लक्षणे काय याबाबतची माहिती विविध माध्यमातून लोकांपर्यंत पोहोचविण्यात आली. तसेच यापासून स्वत:चा बचाव कसा करावा, याचीही माहिती दिली गेली. त्यासाठी सोशल डिस्टन्सिंग, सॅनिटायझरचा वापर यांसारख्या उपाययोजनांवर भर दिला गेला. पण आता या दोन लक्षणांचा समावेश केला.
आरोग्य मंत्रायलाने जारी केली नियमावली
केंद्रीय आरोग्य मंत्रालयाने जारी केलेल्या नियमावलीत वैद्यकीय प्रशासनाला कोविड 19 च्या लक्षणांची माहिती दिली आहे. यामध्ये रुग्णाला चव आणि वास यांसारखी संवेदना न होणे हा त्यामधीलच एक प्रकारची लक्षणे आहेत. याशिवाय ताप, सर्दी आणि श्वसनास अडचण ही लक्षणेही कोरोनाची असल्याचे सांगितले.
पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.