'प्रेमाला सीमा नसते' असं म्हणतात पण ही सीमा ओलांडून जर का कोणी मुर्खपणाचा कळस करत असेल तर हे फार गंभीर आहे. अशीच एक घटना आसाममध्ये घडली आहे. आसाममधील एका अल्पवयीन मुलीने प्रेम सिद्ध करण्यासाठी चक्क तिच्या HIV बाधित बॉयफ्रेंडचं रक्त स्वत:च्या शरीरात इंजेक्ट करून घेतलं.

हे प्रकरण आसाममधील सुआलकुची जिल्ह्यातील आहे. स्वत:ला प्रियकराच्या प्रेमात पडल्याचा दावा करणाऱ्या या तरुणीने प्रेमासाठी स्वत:चा जीव धोक्यात टाकत हा मुर्खपणा केलाय. तिने तिच्या बॉयफ्रेंडचे HIV बाधित रक्त तिच्या शरीरात टोचून घेतले.

फेसबुकवरून दोघांची मैत्री झाली होती

आसाममधील या १५ वर्षीय मुलीची HIV बाधित मुलाशी फेसबुकवरून मैत्री झाली होती. नंतर ही मैत्री प्रेमात बदलली. तीन वर्षांच्या प्रेमप्रकरणानंतर या दोघांत प्रेंमाचं नातं एवढं घट्ट झालं की ते एकमेकांपासून वेगळे राहाण्याची कल्पना करू शकत नव्हते. मात्र त्यासाठी त्याचं HIV बाधित रक्त स्वत:च्या शरीरात टोचून घेणे हा प्रकार फार गंभीर आहे. या प्रकरणानंतर आसाम भागात अल्पवयीन मुलीच्या वागण्यानं तणावपूर्वक वातावरण निर्माण झालंय.