LPG Cylinder Price: ऑगस्ट महिन्याच्या पहिल्या दिवशी तेल कंपन्यांनी एलीपीजी गॅसच्या दरात मोठी कपात केली आहे. त्यानुसार, व्यावसायिक एलपीजी सिलेंडर ९९.७५ रुपयांनी स्वस्त झाला आहे. यामुळं हॉटेल व्यावसायिकांना मोठा दिलासा मिळाला आहे. पण घरगुती गॅस सिलेंडरच्या दरात कुठलाही बदल झालेला नाही. (LPG Cylinder latest Price in August 2023 LPG cylinder became cheaper)

महाराष्ट्रातील प्रमुख शहरांमधील गॅसचे दर

1. मुंबई - (११०२.५० घरगुती), (१६४०.५० व्यावसायिक)

2. ठाणे - (११०२.५०), (१६४०.५०)

3. नागपूर - (११५४.५०), (१८६४.५०)

4. पुणे - (११०६), (१७०१)

5. नाशिक - (११०६.५०), (१७१६)

6. छत्रपती संभाजीनगर - (११११.५०), (१७४५)

7. कोल्हापूर - (११०५.५०), (१६६०)

8. सातारा - (११०७.५०), (१७०८)

9. सोलापूर - (१११८.५०), (१७३२)

10. सिंधुदुर्ग - (१११७), (१६८७)

घरगुती गॅस सिलेंडरमध्ये बदल नाही

घरगुती एलपीजी गॅस सिलेंडरच्या (14.2 किलो) दरात मात्र कोणताही बदल करण्यात आलेला नाही. राज्याच्या राजधानीत मुंबईत घरगुती गॅसचा दर ११०२.५० रुपये इतका आहे. या किंमतीत शेवटचा बदल १ मार्च २०२३ रोजी झाला होता.

तीन वर्षात घरगुती गॅसच्या दरात दुप्पट वाढ झाली आहे. सध्या घरगुती गॅस सामान्य जनतेच्या आवाक्याबाहेर गेला आहे. तसेच यावरील सबसिडी देखील बंद झाल्यानं नागरिकांमध्ये प्रचंड नाराजी आहे.