Congress: काँग्रेसचे ज्येष्ठ नेते दिग्विजय सिंह यांनी पुन्हा एकदा आरएसएस (RSS) आणि भाजपवर निशाणा साधला आहे. काँग्रेसचे माजी अध्यक्ष राहुल गांधी यांच्या नेतृत्वाखालील भारत जोडो (Bharat Jodo Yatra) यात्रेचा फटका राष्ट्रीय स्वयंसेवक संघाचे सरसंघचालक मोहन भागवत यांना बसत असल्याचे दिग्विजय सिंह यांनी मंगळवारी सांगितले.

हेही वाचा- Gautami Patil Lavani: गौतमीची लावणी कुठे चुकतेय?

भागवत यांना मदरसे आणि मशिदींमध्ये जाण्यास भाग पाडले गेले आणि काही दिवसांत पंतप्रधान नरेंद्र मोदीही 'टोपी' घालू लागतील, असा दावा त्यांनी केला. दिग्विजय हे भारत जोडो यात्रेच्या आयोजन समितीचे प्रमुख आहेत.

इंदूरमध्ये यात्रेच्या तयारीचा आढावा घेताना ते म्हणाले, 'आजकाल भाजप विशेषतः राहुल गांधींना टीकेसाठी निवडत आहे कारण त्यांच्या भारत जोडो यात्रेच्या महिनाभरातच भागवत यांनी मदरसा आणि मशिदीत जाणे सुरू केले आहे.

काही दिवसांत मोदीही टोपी घालू लागतील. पंतप्रधान मोदी सौदी अरेबिया आणि इतर देशांमध्ये 'टोपी' घालतात, पण भारतात परतल्यानंतर ते डोक्यावर 'टोपी' घालत नाहीत, असेही काँग्रेसचे ज्येष्ठ नेते म्हणाले. यासोबतच त्यांनी दावा केला की, 7 सप्टेंबर रोजी कन्याकुमारी येथून सुरू झालेल्या भारत जोडो यात्रेने 2 महिन्यांत चांगलाच प्रभाव पाडला आहे.

त्यामुळेच संघाच्या एका बड्या नेत्याला सांगावे लागले की देशातील गरीब लोक आणि गरीब राहिलेत, आणि श्रीमंत अधिक श्रीमंत होत आहेत. दिग्विजय म्हणाले की, ही यात्रा आपल्या अंतिम गंतव्यस्थानी, श्रीनगरला पोहोचल्यावर काय होते ते तुम्हाला दिसेल.