नवी दिल्ली- देशातील कोरोनाबाधित रुग्णांची संख्या काही दिवसांपासून 40 हजारांच्या आजपास आढळत आहे. भारतात आज कोरोना रुग्णांच्या संख्येत किंचिंत वाढ झाली. गेल्या 24 तासांत देशात 41 हजारपेक्षा अधिक रुग्ण आढळून आले आहेत. आरोग्य मंत्रालयाच्या माहितीनुसार, भारतात एका दिवशी 41 हजार 831 नवे रुग्ण आढळून आले आहेत. त्यामुळे एकूण कोरोनाबाधितांची संख्या 3 कोटी 16 लाख 55 हजार 824 झाली आहे. देशात गेल्या 24 तासांत 541 रुग्णांचा मृत्यू झालाय. त्यामुळे कोरोनामुळे एकूण मृतांची संख्या 4 लाख 24 हजार 351 इतकी झाली आहे. (maharashtra india corona uodate today health ministry icmr)

भारतात सध्या कोरोनाचे 4 लाख 10 हजार 952 रुग्ण आहेत. ही संख्या एकूण कोरोना संख्येच्या 1.29 टक्के आहे. देशातील सध्याचा मृत्यूदर 1.34 टक्के आहे. गेल्या 24 तासांत देशातील 39 हजार 258 रुग्णांनी विषाणूवर मात केली असून त्यांना घरी सोडण्यात आलं आहे. त्यामुळे आतापर्यंत एकूण 3 कोटी 08 लाख 20 हजार 521 रुग्णांनी कोरोनावर मात केलीये. देशाचा कोरोना रिकव्हरी रेट 97.37 टक्के झाला आहे.

इंडियन काउंसिल ऑफ मेडिकल रिसर्च म्हणजे आईसीएमआरच्या माहितीनुसार, एका दिवसात देशात 17 लाख 89 हजार 472 कोरोना चाचण्या करण्यात आल्या. आतापर्यंत देशात एकूण 46 कोटी 82 लाख 16 हजार 510 कोरोना चाचण्या करण्यात आल्यात. विषाणूवर मात करण्यासाठी देशात 16 जानेवारीपासून लसीकरण सुरु करण्यात आले. आतापर्यंत देशातील 47.02 कोटी लोकांना कोरोना प्रतिबंधक लशीचा किमान एक डोस देण्यात आला आहे.

महाराष्ट्राची कोरोना आकडेवारी

राज्यात एका दिवसात 6 हजार 959 नवीन रुग्णांची नोंद झाली. त्यामुळे करोना बाधित रुग्णांची एकूण संख्या 63 लाख 03 हजार 715 झाली आहे. तर सक्रिय रुग्णांची संख्या कमी होऊन 76 हजार 755 इतकी झाली. राज्यात 225 कोविड बाधित रुग्णांच्या मृत्यूची नोंद झाली. राज्यातील मृत्यूदर 2.1 टक्के इतका आहे. तर मृतांचा एकूण आकडा 1 लाख 32 हजार 791 वर पोहोचला आहे. दिवसभरात 7 हजार 467 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या 60 लाख 90 हजार 786 इतकी आहे. यामुळे राज्यातील रुग्ण बरे होण्याचे प्रमाण 96.62 टक्के एवढे झाले आहे.