नवी दिल्ली- आगामी लोकसभा निवडणुकीसाठी काँग्रेस जोरदार तयारी करत असतानाच महाराष्ट्रातील अनेक दिग्गज नेते मात्र काँग्रेस अध्यक्ष राहुल गांधी यांची डोकेदुखी वाढवत आहेत. काँग्रेसचे प्रदेशाध्यक्ष आणि माजी मुख्यमंत्री अशोक चव्हाणांसह अनेकांनी लोकसभा निवडणुक लढण्यास नकार दिला आहे.
राज्यातील जवळपास आठ ते दहा मोठ्या नेत्यांनी निवडणूक लढवण्यास नकार दिला आहे. महाराष्ट्रातील या नेत्यांच्या नकारामुळे राहुल गांधी यांना मोठ्या डोकेदुखीला सामोरे जावे लागणार आहे. 2014मध्ये मोदी लाटेत राज्यातील 48 पैकी काँग्रेसला केवळ दोनच जागा मिळाल्या होत्या. त्यात विद्यमान काँग्रेसचे प्रदेशाध्यक्ष अशोक चव्हाण यांनी नांदेडमधून तर राजीव सातव यांनी हिंगोलीतून विजय मिळवला होता. यातील अशोक चव्हाण आणि राजीव सातव हे दोघेही लोकसभा निवडणुक लढवण्यास अनुत्सुक आहेत. चव्हाण आणि सातव या दोघांनीही निवडणुक लढवण्यासाठी अनुत्सुक असल्याचे पक्ष नेतृत्वाला कळवले आहे.
त्याचबरोबर, माजी मुख्यमंत्री पृथ्वीराज चव्हाण, माजी मंत्री मिलींद देवरा, प्रिया दत्त, मुंबई काँग्रेसचे अध्यक्ष संजय निरूपम यांच्यासोबत आणखी काहीजण निवडणुक लढवण्यास अनुत्सुक असल्याने राहुल गांधींची डोकेदुखी वाढल्याची चर्चा सध्या काँग्रेसच्या अंतर्गत वर्तुळात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.