कोलकाता : भाजप हा दंगाबाज आणि भ्रष्ट पक्ष आहे. त्यांना लोकशाही नष्ट करायची आहे, अशी टीका पश्चिम बंगालच्या मुख्यमंत्री ममता बॅनर्जी यांनी भाजपवर (BJP) केली आहे. तृणमूल काँग्रेसच्या महिला आमदारांना धन्यवाद त्यांनी काल विधानसभेत लोकशाहीचे रक्षण केले, असे त्या म्हणाल्या. आम्हाला काम करत रहावे लागेल. २०२४ च्या सार्वजनिक निवडणुकांमधून भाजपला हद्दपार करायचे आहे, असा सल्ला त्यांनी पक्ष कार्यकर्त्यांना दिला. आज मंगळवारी (ता.आठ) पक्षाच्या राज्य समितीच्या बैठकीला संबोधित करताना तृणमूलच्या अध्यक्षा आणि मुख्यमंत्री ममता बॅनर्जी बोलत होत्या. मला दार्जिलिंगच्या लोकांच्या चेहऱ्यावर स्मितहास्य पाहायचे आहे.

मी सर्व पक्षांसह गोरखालँड प्रोदशिक प्रशासन (जीटीए) आणि इतरांबरोबर चर्चा करणार आहे. आपण जीटीएच्या निवडणुकांवर लक्ष केंद्रीत करणार आहोत. मला पक्षातील कोणीही दार्जिलिंगविषयी बोललेले आवडणार नाही, असे ममता बॅनर्जी (Mamata Banerjee) यांनी स्पष्ट केले.