भोपाळ - मध्य प्रदेशमधील खाचरोद मतदारसंघातून भारतीय जनता पक्षाचे आमदार दिलीप शेखावत निवडणूक लढवत आहेत. सोमवारी संध्याकाळी ते आपल्या मतदारसंघात प्रचारासाठी गेले असता अचानक एका व्यक्तीने त्यांच्या गळ्यात चपलांचा हार घातला. सुरुवातीला आमदार महोदयांना काहीच कळले नाही. मात्र गळ्यात चपलांचा हार पाहिल्यावर संतप्त झालेल्या आमदारांनी या व्यक्तीला मारहाण केली.

दरम्यान, सलग तीन वेळा मध्य प्रदेशची सत्ता मिळवणाऱ्या भाजपला यावेळच्या निवडणुकीत मतदारांच्या नाराजीचा सामना करावा लागत आहे. अनेक ठिकाणी प्रचाराला येणाऱ्या भाजप उमेदवारांना मतदारांकडून प्रश्न विचारले जात आहेत.

विषेश म्हणजे, आमदारांना चपलांचा हार घालणाऱ्या व्यक्तीने भाजपाचे निवडणूक चिन्ह कमळ असलेली टोपी घातली होती. या व्यक्तीची अद्याप ओळख पटलेली नसून या प्रसंगातून मध्यप्रदेशात भाजपविषयी असलेली नाराजी स्पष्ट दिसत असल्याचे बोलले जात आहे