हैदराबाद : एका २५ वर्षीय तरुणाने एका २४ वर्षीय तरुणीवर बलात्कार (Crime Against Woman) केला. त्यानंतर तिची हत्या केली. इतकेच नाहीतर तिच्या मृतदेहावर देखील बलात्कार केला. तेलंगणातील हैदराबादपासून (Hyderabad) ५० किमी अंतरावर असलेल्या चौतुप्पल गावात घडली आहे.
आरोपी बांधकाम पर्यवेक्षक म्हणून काम करत होता. त्याच्या घराजवळील गोडाऊनमध्ये पीडित महिला आपल्या पतीसोबत राहत होती. तिचा पती जवळच्या महाविद्यालयात वॉचमन म्हणून काम करत होता. त्यामुळे ती महिला दिवसभर घरी एकटीच राहत होती. आरोपी गेल्या अनेक दिवसांपासून तिच्या मागावर होता. गेल्या ९ मे रोजी आरोपीने गोदामात घुसून महिलेला जीवे मारण्याची धमकी देऊन बलात्कार केला. त्यानंतर तासाभरातच तिच्या डोक्यावर वार करून तिची हत्या केली. इतकेच नाहीतर नराधमाने वारंवार तिच्या मृतदेहावर बलात्कार केला.
हा भीषण गुन्हा केल्यानंतर त्याने तिचे सोन्याचे दागिने चोरून तेथून पळ काढला. पीडितेच्या पतीने दिलेल्या पोलिस तक्रारीच्या आधारे, पोलिसांनी बलात्कार, खून आणि भारतीय दंड संहितेच्या (आयपीसी) इतर संबंधित कलमांचा गुन्हा दाखल केला. पोलिसांनी परिसरातील लोकांशी बोलून आरोपीला ओळखले आणि त्याला बुधवारी, 11 मे रोजी गुन्ह्याच्या ठिकाणापासून एक किलोमीटर अंतरावर असलेल्या मलकापूर गावातून अटक केली. पोलिसांनी त्याच्या ताब्यातून चोरीचे दागिने जप्त केले आणि त्याला न्यायालयात हजर केले, न्यायालयाने त्याला न्यायालयीन कोठडी सुनावली, असे चौतुप्पल सहाय्यक पोलिस आयुक्त (एसीपी), उदय रेड्डी यांनी सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.