मुंबई: मुलीच्या आई-वडिलांचा प्रेमसंबंधाला (Love affair) विरोध असल्याने प्रियकराने प्रेयसीला जीवे मारण्याचा प्रयत्न केला. त्याने प्रेयसीचा (Girlfriend) गळा चिरला. अजित असे आरोपीचे नाव आहे. तामिळनाडू तारामनी येथे मुलगी राहते. अजितने तिच्याच घरात गळफास घेऊन आत्महत्येचा प्रयत्न केला. दोघांनाही उपचारासाठी रुग्णालयात दाखल करण्यात आलं आहे. इंडिया टुडेने हे वृत्त दिलं आहे.

मुलगा अजित तामिळनाडू मीनजूरचा रहिवाशी आहे. रविवारी ही दुर्देवी घटना घडली. मोबाइल रिटेल शोरुममध्ये नोकरी करताना अजितची मुली बरोबर ओळख झाली. तो तिच्या प्रेमात पडला. मुलीच्या आई-वडिलांनी त्यांच्या नात्याला मान्यात दिली नाही. तिचं दुसरीकडे लग्न ठरवलं. हे समजल्यानंतर संतप्त झालेला अजित तारामनीमधील मुलीच्या घरी जाऊन धडकला.

यावर काहीतरी तोडगा काढण्याच्या उद्देशाने तो मुलीच्या घरी गेला होता. दोघेही रुममध्ये असताना, त्यांच्या खोलीतून भांडणाचा आवाज ऐकू आला. कुटुंबीयांनी दरवाजा उघडला, त्यावेळी मुलगी रक्ताच्या थारोळ्यात पडलेली होती. अजितच्या हातात चाकू होता. अजित लगेच दुसऱ्या खोलीत पळाला त्याने स्वत:ला लॉक करुन घेतले. मुलीच्या कुटुंबीयांनी तिला रुग्णालयात दाखल केले व पोलिसांना माहिती दिली. तारामणी पोलीस मुलीच्या घरी पोहोचले. त्यांनी दरवाजा तोडून आत प्रवेश केला. त्यावेळी अजित गळफास घेतलेल्या स्थितीमध्ये होता.

त्याला लागलीच रुग्णालयात हलवण्यात आले. डॉक्टरांना दोघांचे प्राण वाचवण्यात यश आले. अजित येताना सोबत चाकू घेऊन आला होता. मुलीने लग्नाचा प्रस्ताव नाकारला, तर तिला जीवे मारण्याची त्याने तयारी केली होती, असे पोलिसांनी सांगतिले. हत्येचा प्रयत्न केल्याचा गुन्हा त्याच्याविरोधात नोंदवण्यात आल आहे. अजितला रुग्णालयातून डिस्चार्ज मिळाल्यानंतर त्याला अटक करण्यात येईल, असे पोलिसांनी सांगितले.