नवी दिल्ली ः मद्यधोरण गैरव्यवहार प्रकरणातील आरोपी आम आदमी पक्षाचे(आप) नेते मनीष सिसोदिया यांच्या कोठडीत आठ मे पर्यंत वाढ झाली आहे. या प्रकरणातील अन्य आरोपींच्या कोठडीत देखील विशेष न्यायालयाने वाढ केली.

मद्यधोरण गैरव्यवहार प्रकरणी सक्त वसुली संचालनालय (ईडी) तसेच केंद्रीय अन्वेषण विभागाकडून (सीबीआय) सिसोदिया यांची कोठडीत चौकशी सुरू आहे. ‘ईडी’च्या प्रकरणात न्यायालयाने सिसोदिया यांची कोठडी वाढवली आहे. अलीकडेच सीबीआयच्या प्रकरणात त्यांना सात मे पर्यंत कोठडी देण्यात आली होती. सीबीआयने गतवर्षीच्या फेब्रुवारी महिन्यात सिसोदिया यांना अटक केली होती. त्यानंतर मार्च महिन्यात ईडीकडून त्यांना अटक झाली होती. मागील वर्षभराहून जास्त काळ सिसोदिया हे तिहार तुरुंगात बंद आहेत.