नवी दिल्ली : माजी पंतप्रधान डॉ. मनमोहन सिंग यांची प्रकृती स्थिर असून त्यांना आज (ता. १२) रुग्णालयातून सुटी देण्यात आली आहे. रविवारी रात्री छातीत दुखत असल्याची तक्रार केल्यानंतर त्यांना एम्स रुग्णालयात दाखल करण्यात आलं होतं.
पुण्याच्या बातम्या वाचण्यासाठी येथे ► क्लिक करा
डॉ. नितीश नायक यांच्या देखरेखीखाली डॉ. मनमोहन सिंग यांच्यावर उपचार सुरू होते. नव्या औषधांची रिअॅक्शन झाल्याने मनमोहन सिंग यांची प्रकृती बिघडली असल्याचं सांगण्यात आलं होतं. पंरतु, आज डॉक्टरांच्या परवानगीनंतर त्यांना आज घरी सोडण्यात आलं. तसंच या ठिकाणी त्यांची कोरोनाची चाचणी करण्यात आली होती. त्यांची कोरोना चाचणी निगेटिव्ह आल्याचंही सांगण्यात आले आहे.
रेशनकार्डाच्या नियमात केंद्राकडून बदल; तब्बल एवढ्या लोकांना होणार फायदा
माजी पंतप्रधान मनमोहन सिंग हे हार्ट पेशंट आहेत. यापूर्वी दोन वेळा त्यांची बायपास सर्जरी झाली आहे. १९९० मध्ये पहिल्यांदा इंग्लंडमध्ये त्यांची पहिली बायपास सर्जरी झाली होती. त्यानंतर २००४ मध्ये त्यांची अँजिओप्लास्टीही करण्यात आली होती. २००९ मध्ये पुन्हा त्यांना एम्समध्ये दाखल करण्यात आलं होतं. त्यावेळी ब्लॉक्ड आर्टरिज ओपन करण्यासाठी त्यांची आणखी एक बायपास सर्जरी करण्यात आली होती. याव्यतिरिक्त त्यांना मधुमेहाचा त्रासदेखील असल्याचे डॉक्टरांनी सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.