Goa Assembly Election: गोवा विधानसभा निवडणुकीच्या पार्श्वभूमीवर भाजपने (BJP) उमेदवारांची 38 उमेदवारांची यादी जाहीर केली. यामध्ये मनोहर पर्रीकर यांचे चिरंजीव उत्पल पर्रीकर यांचे नाव नाही. विशेष म्हणजे ज्या पणजी मतदारसंघासाठी उत्पल पर्रीकर इच्छूक होते, त्याठिकाणी आमदार राजेश पाडनेकर यांनाच भाजपने संधी दिली आहे. यामुळे भाजप उत्पल पर्रीकरांचा गेम तर करत नाहीना अशी चर्चा होत आहे. (Utpal Parrikar News)

दरम्यान गेल्या अनेक दिवसांपासून उत्पल पर्रीकर (Utpal Parrikar) यांनी पणजी मतदारसंघातून (Panaji constituency) लढण्याची भुमिका मांडली होती. काहीही झाले तरी आपण पणजीतूनच लढणार असल्याचं त्यांनी म्हटले होते. भाजपने तिकीट नाकारल्यास आपण पणजीतून अपक्ष लढू असंही त्यांनी म्हटले होेते.

भाजपने उत्पल पर्रीकरांसमोर दोन पर्याय ठेवल्याचे देवेद्र फडणवीस (Devendra Fadanvis) यांनी सांगितले. त्यापैकी एक म्हणजे राज्यसभेच्या माध्यमातून थेट केंद्रात जाणे किंवा पणजी सोडून दुसऱ्या एखाद्या मतदारसंघातून निवडणूक लढवणे. पणजीमधून निवडून येण्याची ताकद नसल्याचे सांगत त्यांना दुसऱ्या एखाद्या सेफ मतदारसंघातून निवडणूक लढवा, असे त्यांना सांगण्यात आले होते. परंतू हे दोन्हीही पर्याय उत्पल पर्रीकरांनी नाकारल्याचं कळतंय. परंतू अजूनही उत्पल पर्रीकर यांनी आपली भुमिका स्पष्ट केलेली नाही. दरम्यान शिवसेना नेते खासदार संजय राऊत यांनी मनोहर पर्रीकरांपुढे उमेदवार देणार नसल्याचे स्पष्ट केलं आहे. (Utpal Parrikar News)