आदमापूर (ता. भुदरगड) येथील सद्गुरू बाळूमामा मंदिर ३ ते ६ मार्च या कालावधीत पूर्णतः बंद राहणार आहे. ९ मार्चपासून सुरू होणाऱ्या वार्षिक भंडारा उत्सवाच्या पार्श्वभूमीवर मंदिर परिसर, अन्नछत्र, भक्तनिवास आणि देणगी विभागात स्वच्छता व नियोजनाची कामे केली जाणार आहेत.
देवस्थान समितीचे अध्यक्ष धैर्यशील भोसले आणि कार्याध्यक्ष पुंडलिक होसमणी यांनी भाविकांनी सहकार्य करावे, असे आवाहन केले आहे. ९ मार्चपासून मंदिर पुन्हा दर्शनासाठी खुले होईल.
