नवी दिल्ली : भारताचे पहिले पंतप्रधान पंडित जवाहरलाल नेहरू यांच्या 128व्या जयंतीनिमित्त त्यांना पंतप्रधान नरेंद्र मोदी व उपराष्ट्रपती व्यंकय्या नायडू यांच्यासह अनेक मान्यवरांनी अभिवादन केले. 

भारतीय-आशियाई शिखर परिषदेसाठी मनिला येथे गेलेले पंतप्रधान नरेंद्र मोदी यांनी 'पंडित जवाहरलाल नेहरू यांना त्यांच्या जयंतीनिमित्त मानवंदना' अशा शब्दांत ट्विट करून अभिवादन केले. पंडित जवाहरलाल नेहरू यांचा जन्म 14 नोव्हेंबर, 1889 साली अलाहाबाद येथे झाला होता. हा दिवस बालदिन म्हणूनही साजरा केला जातो. 

"मुर्खपणा जेव्हा कृतीशील असतो तेव्हा त्यापेक्षा भयावह काहीही नसते," हे नेहरू यांचे विधान देऊन काँग्रेसचे उपाध्यक्ष राहुल गांधी यांनी म्हटले आहे की, आज आपण एका तेजस्वी कनवाळू व्यक्तीचे स्मरण करत आहोत.

'भारताचे पहिले पंतप्रधान पंडित जवाहरलाल नेहरू यांच्या जयंतीनिमित्त सर्व देशाला हार्दिक शुभेच्छा' अशा शब्दांत उपराष्ट्रपती व्यंकय्या नायडू यांनी ट्विटरवरून अभिवादन केले. 
आधुनिक स्वतंत्र भारताचा पाया ज्यांनी रचला असे भारताचे पहिले पंतप्रधान पंडित जवाहरलाल नेहरू यांना माझी विनम्र आदरांजली, असे लिहित शरद पवार यांनी नेहरूंचे लहान मुलांसोबतचे छायाचित्र ट्विट केले आहे.

'ई सकाळ'वरील इतर महत्त्वाच्या बातम्या :

• खोल.. खोल.. दरीत लपताहेत गुन्हे
• बालदिन विशेष
• वर्षा निवासस्थानी सरकारच्या तीन वर्षांच्या कार्याचा आढावा
• जाहिरातबाजीचा ‘मी लाभार्थी’
• अमेरिका व जगाच्या अपेक्षा पूर्ण करण्याचा प्रयत्न करू
• उत्पादकांच्या हितासाठीच दूध दर कमी - विश्‍वास पाटील
• औरंगाबादेत आग लागून चार वाहने पेटली
• भुयार खोदून बँकेवर दरोडा; 27 लॉकर फोडले
• इच्छाशक्‍तीच्या अभावामुळेच शेतकऱ्यांचे प्रश्‍न काय