अहमदाबाद- गुजरात निवडणुकीत भाजपला मिळालेले यश हे 'ईव्हीएम'चे आहे अशा शब्दात पाटीदार नेता हार्दिक पटेल याने भाजपवर टिका केली. अहमदाबाद, सुरत, राजकोट येथे पाटीदार मतदार जास्त असलेल्या भागात देखील भाजपचे उमेदवार निवडुन येण्यावर देखील हार्दिकने प्रश्न उपस्थित केला.

गुजरात निवडणूकीत भाजपला मिळालेल्या यशामागे कुणी चाणाक्य नसून या यशाचे कारण पेसा आणि भाजपद्वारे केला गेलेला अपप्रचार आहे. एकतर्फी निकाल लागला असता तर ईव्हीएमवर शंका उपस्थित केली गेली असती त्यामुळे शंका घेता येणार नाही असे निकाल लावण्यात आल्याचा आरोप हार्दिक पटेलने केला. 

हार्दिक पटेलच्या पत्रकार परिषदेतील महत्वाचे मुद्दे-

• पाटीदार आरक्षण, बेरोजगारी, शेतकऱ्यांचे प्रश्न या मुद्द्यांवर सरकार विरोधात आंदोलन सुरुच ठेवणार
• सुरत अहमदाबाद पुर्व गुजरात या भागात ईव्हीएम मशीनमध्ये छेडछाड
• एटीएम हॅक होऊ शकते तर ईव्हीएम का नाही ?
• अनेक प्रगत देश ईव्हीएम वापरत नाहीत आपल्याकडेही तसा विचार व्हायला हवा
• ठाकूर, पटेल मतदार जास्त असलेल्या भागात ईव्हीएममध्ये गडबड
• अहमदाबादमधील एका कंपनीला हाताशी धरून ईव्हीएम मशीनमध्ये गडबड  
• ईव्हीएम विरोधात काँग्रेस व इतर विरोधी पक्षांनी एकत्र यायला हवे
• विधानसभेत निवडून गेलेले काँग्रेसचे नेते पाटीदार आरक्षणाबाबत लढतील असा विश्वास  आहे