पणजी(गोवा)- गोवा पोलिस खात्याच्या अंमलीपदार्थविरोधी कक्षातर्फे आज अंमलीपदार्थविरोधी दिनानिमित्त मॅरॉथॉन स्पर्धा आयोजित करण्यात आली. या स्पर्धेचे उद्घाटन राज्याचे मुख्य सचिव धर्मेंद्र शर्मा यांनी केली.

अंमलीपदार्थापासून तरुणांनी दूर राहावे व त्याचे सेवन करू नये असा संदेश यावेळी या मॅरॉथॉन स्पर्धेतून देण्यात आला. बांबोळी येथील श्यामाप्रसाद मुखर्जी स्टेडियम ते पणजी फेरीबोटपर्यंत ही स्पर्धा घेण्यात आली. यामध्ये मोठ्या संख्येने तरुण व तरुणींनी भाग घेतला.