गोंडा : उत्तर प्रदेशातील गोंडा येथील मुलीचे अपहरण करून मुंबईत नेत धर्मांतर केले. अपहरण करणाऱ्या दुसऱ्या समाजातील मुलाने धर्म परिवर्तन करून मुलीशी लग्न केले. त्यानंतर तिला मुंबईत वेगवेगळ्या ठिकाणी नेले. यावेळी त्याच्या साथीदारांनी मुलीवर बलात्कार (Mass Atrocities) केला. काही दिवसांनी तिला गोंडा स्थानकावर सोडले. पीडित कुटुंबाने दाद मागितल्यावर एसपींनी कारवाईचे आदेश दिले. यानंतर पोलिसांनी चार आरोपींविरुद्ध सामूहिक बलात्कारासह अन्य कलमांतर्गत गुन्हा दाखल करून तपास सुरू केला आहे.

गावात राहणारा जावेद अनेकदा बोलायचा. तो मुंबईत काम करतो. तो नेहमी मुंबईला बोलवायचा. मात्र, मी नकार देत होती, असे पीडित मुलीने म्हटले आहे. १४ जून रोजी जावेदने मुलीला बेशुद्ध केले. शुद्ध आली तेव्हा ती मुंबईतील एका खोलीत होती. मुंबईत राहणाऱ्या जावेदच्या मित्रांनी तिच्यावर आळीपाळीने बलात्कार (Mass Atrocities) केला, असे वडिलांनी तक्रारीत म्हटले आहे.

प्रकरण बिघडत असल्याचे पाहून २१ जून रोजी जावेदने मुलीला कर्नालगंज रेल्वे स्थानकावर (Railway station) सोडले. एवढेच नाही तर जातिवाचक शब्द वापरून धमकीही दिली. त्याच दिवशी त्यांनी नगर चौकीत मुलीसोबत घडलेल्या घटनेची माहिती दिली. मात्र, पोलिसांनी कारवाई केली नाही. यानंतर वडिलांनी एसपींची भेट घेऊन न्यायाची याचना केली. आरोपींविरुद्ध सामूहिक बलात्कारासह विविध कलमांतर्गत गुन्हा दाखल केल्याचे पोलिस समशेर बहादूर सिंग यांनी सांगितले.