लखनौ: "कॉंग्रेस आणि भाजप यांचा अंतर्गत समझोता झाला आहे. उत्तर प्रदेशात हे दोन्ही पक्ष एकत्र येऊन समाजवादी पक्ष आणि बहुजन समाज पक्षाविरोधात लढत आहेत, अशी टीका "बसप'च्या सर्वेसर्वा मायावती यांनी गुरुवारी कॉंग्रेसवर केली.
भाजपचा उमेदवार जिंकला तर कॉंग्रेसला काही फरक पडत नाही; पण "सप-बसप' उमेदवार विजयी होऊ नये, अशी त्यांची इच्छा आहे. भाजपप्रमाणेच कॉंग्रेस "सप-बसप'बद्दल निरर्थक चर्चा करू लागली आहे. या दोन्ही पक्षांमध्ये सामंजस्य झाले असून, ते आमच्या आघाडीच्या विरोधात एकत्रपणे उभे राहिले आहेत, अशी टीका मायावती यांनी केली.
यापूर्वी, कॉंग्रेसचे अध्यक्ष राहुल गांधी यांनी बाराबंकी येथील प्रचारसभेत काल मायावती आणि सप'चे अध्यक्ष अखिलेश यादव यांना लक्ष्य केले होते. मायावती आणि अखिलेश यांचे नियंत्रण पंतप्रधान नरेंद्र मोदी यांच्या हातात आहे, अशी टीका त्यांनी केली होती.
मायावती म्हणाल्या की, बाबासाहेब भीमराव आंबेडकर यांची अपूर्ण स्वप्ने पूर्ण करण्यासाठी त्यांच्यात जयंतीदिवशी "बसप'चा जन्म झाला आहे. कॉंग्रेसप्रमाणे भाजपने नकली आंबेडकरवादी बनण्याचा प्रयत्न करू नये.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.