E Shridharan 
देश

88 व्या वर्षी का केली राजकारणात एंट्री? मेट्रोमॅन ई. श्रीधरन यांनी स्वत:च केला खुलासा

सकाळवृत्तसेवा

नवी दिल्ली : मेट्रोमॅन नावाने प्रसिद्ध असणाऱ्या ई. श्रीधरन यांनी गेल्या रविवारी केरळमध्ये आयोजित केलेल्या एका सभेला संबोधित करताना त्यांनी राजकारणात प्रवेश करण्यामागचं कारण उलगडून सांगितलं आहे. तसेच भाजपकडून दिली जाणारी कोणत्याही प्रकारची जबाबदारी सांभाळण्यासाठी ते तयार असल्याचं देखील त्यांनी सांगितलं आहे. अलिकडेच त्यांनी भाजपमध्ये प्रवेश करुन 88 व्या वर्षी आपल्या राजकीय कारकिर्दीची सुरवात केली आहे. ते केरळमधील मुख्यमंत्री पदाचे उमेदवार असतील असं देखील केरळ भाजपकडून जाहीर करण्यात आलं होतं. मात्र त्यानंतर काही तासांनीच या घोषणेवरुन घुमजाव करण्यात आला होता. 

केरळमधील शणमुगममधील सभेवेळी केंद्रीय गृहमंत्री अमित शहा देखील उपस्थित होते. या सभेत ते म्हणाले की, ते आपल्या उर्जेचा वापर केरळसाठी करु इच्छित आहेत. गेल्या 67 वर्षांमध्ये मी सरकारी नोकर होतो. अनेक लोक मला विचारतात की, एवढ्या वर्षांनंतर मी राजकारणात का आलो? 67 वर्षांपर्यंत मी देशाच्या अनेक प्रकल्पांमध्ये काम केलं आहे.

याआधी 4 मार्चला त्यांनी एक वक्तव्य केलं होतं की, शारीरिक वयापेक्षा मानसिक वय आपल्याला सांगतं की आपल्याला कोणती जबाबदारी घेतली पाहिजे. मानसिकदृष्ट्या मी खूपच ऍक्टीव्ह आणि तरुण आहे. आतापर्यंत मला आरोग्याच्या दृष्टीने कसल्याही प्रकारची समस्या नाहीये. मला वाटत नाही की आरोग्य हा काही मुद्दा आहे. मी एक सामान्य राजकारणी म्हणून काम करणार नाहीये तर एक टेक्नोक्रॅटच्या पद्धतीने मी काम करणे सुरु ठेवेन. राज्यात सहा एप्रिल रोजी विधानसभेच्या निवडणुका होणार आहेत. त्याआधी कसारगोड ते तिरुवनंतपुरमपर्यंत केरळचे भाजप प्रदेशाध्यक्ष के. सुरेंद्रन यांच्याकडून काढलेल्या विजय यात्रेच्या समारोपावेळी श्रीधरन यांनी म्हटलं की, मी अजूनही उर्जावान आहे. तसेच आपल्या उर्जेचा वापर केरळसाठी करु इच्छित आहे. मला जी कुठली जबाबदारी दिली जाईल, ती मी पूर्ण उत्साहाने तसेच ताकदीनिशी पार पाडेन, असं त्यांनी म्हटलं. 
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IND vs ENG 2nd Test: फुल राडा! यशस्वी जैस्वालने DRS घेताच बेन स्टोक्स खवळला; अम्पायरला दाखवलं बोट, प्रेक्षकांचे Booing

IND vs ENG 2nd Test: यशस्वी जैस्वालची विक्रमी कामगिरी! मोहम्मद सिराज लै भारी; टीम इंडियाकडे २४४ धावांची आघाडी

Ranya Rao : रान्या राव ‘Gold smuggling’ प्रकरणी ‘ED’ची मोठी कारवाई!

IND vs ENG 2nd Test: मोहम्मद सिराजच्या सहा विकेट्स, आकाश दीपने फिरवली मॅच; इंग्लंड ALL OUT, भारताकडे मजबूत आघाडी

मोठी बातमी! फार्मसी, बीबीए, बीसीएससह ‘या’ अभ्यासक्रमांसाठी प्रवेश अर्ज भरण्यास प्रारंभ; अर्जाचे शुल्क 800 ते 1000 रुपये; जाणून घ्या, वेळापत्रक...

SCROLL FOR NEXT