पाटणा - कोरोनाच्या संकटात हाताला काम नसल्याने घराकडे परतणाऱ्या स्थलांतरित मजुरांना मदत न मिळाल्याने त्यांच्या व्यस्था सर्वांसमोर आल्या आहेत. पण अनेक अनामिक या मजुरांना मदतही करत आहेत, हे एका व्हिडिओतून दिसले आहे.
नवी दिल्लीहून मिझोरामला निघालेली श्रमिक रेल्वे बिहारमधील बेगुसराय येथे थांबली असताना प्रवाशांना अन्न आणि पाणी देण्यासाठी गावातील नागरिक धावून आले. अन्नाची पाकिटे वाटताना त्यांनी खबरदारी म्हणून पीपीई संच व मास्कचा वापर केला होता. या सर्व घटनेचे मोबाईल छायाचित्रण गाडीतीलच एका स्थलांतरित मजुराने केले व मिझोरामला पोचल्यावर हा व्हिडिओ सोशल मीडियावर शेअर केला.
आणखी बातम्या वाचण्यासाठी येथे क्लिक करा
मिझोरामचे मुख्यमंत्री झोरमथंगा यांनीही हा व्हिडिओ पाहिला आणि बिहारी बाबूंची सेवाभावी वृत्ती पाहून ते इतके खूष झाले की ‘चांगल्यासाठी चांगले’ असे ट्विट करुन त्यांनी या लोकांचे कौतुक केले. याचबरोबर झोरमथंगा यांनी पूर्वीच्या व्हिडिओचा उल्लेख करीत घरी परतणाऱ्या मिझो नागरिकांनी आसाममधील पूरग्रस्तांना त्यांचे स्वतःचे जेवण दिले होते, अशी आठवणही सांगितली.
पुण्याच्या बातम्या वाचण्यासाठी येथे ► क्लिक करा
भारतीय संस्कृतीचे वैशिष्ट
या व्हिडिओ एक-दोन दिवसांत मोठ्या प्रमाणात व्हायरल झाला असून अन्न-पाण्याचे वाटप करणाऱ्या गटाचे कौतुक होत आहे. काही जणांनी हे भारतीय संस्कृतीचे वैशिष्ट असल्याचे सांगितले आहे तर काहींनी एकीचे फळ असल्याचे म्हटले आहे. काही जणांनी याचा संबंध देशभक्ती आणि भारतीयत्वाशी जोडला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.