नवी दिल्लीः देशातील सर्वात मोठी बँक असलेल्या एसबीआयने ग्राहकांना एक खूशखबर दिली आहे. एसबीआयकडे सर्वात जास्त व्याज देणारी एक योजना होती. ती १५ ऑगस्ट रोजी समाप्त होणार होती. परंतु आता बँकेने या एफडी योजनेला मुदतवाढ दिलेली आहे.
एसबीआयच्या जादा व्याजदर देणाऱ्या एफडी स्कीमचं नाव अमृत कलश आहे. या योजनेची तारीख वाढवण्यात आलीय. यासंदर्भात स्टेट बँक ऑफ इंडियाने एक सर्क्युलर जारी केलं आहे. त्यामध्ये या योजनेची तारीख ३१ डिसेंबर २०२३ करण्यात आलीय. योजनेची शेवटची तारीख १५ ऑगस्ट २०२३ होती.
एसबीआयने अमृत कलश योजना १२ एप्रिल २०२३ रोजी लाँच केली होती. बँकेची ही एक विशेष योजना आहे. एनआरआय ग्राहकसुद्धा या योजनेमध्ये गुंतवणूक करु शकत आहेत. अमृत कलश योजेनेमध्ये ग्राहक २ कोटींपेक्षा कमी रक्कम ४०० दिवसांसाठी ठेवू शकतात. विशेष म्हणजे प्रत्येक महिन्याला, तीन महिन्याला आणि सहा महिन्याला व्याज दिलं जातं.
अमृत कलश योजनेत व्याज किती?
SBIने आपल्या नियमित ग्राहकांसाठी आणि ज्येष्ठ नागरिकांसाठी अमृत कलश योजना सुरु ठेवली आहे. यामध्ये ७.१ टक्के आणि ७.६ टक्के व्याज देण्यात येतं. दोन कोटींपेक्षा कमी रिटेल एफडीवर ही सुविधा मिळते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.