नवी दिल्ली- आरएसएसच्या राष्ट्रीय कार्यकारिणीचे सदस्य आणि मुस्लिम राष्ट्रीय मंचचे मुख्य संरक्षक इंद्रेश कुमार यांनी २२ जानेवारी रोजी एक महत्त्वाचं आवाहन केले आहे. २२ जानेवारीला अयोध्येत राम लल्लाची प्रतिष्ठापणा होत असताना सकाळी ११ ते दुपारी १ वाजेपर्यंत मशीद, मदरसे, दर्जा याठिकाणांहून देशाच्या उन्नतीसाठी, प्रगतीसाटी आणि सौहार्दासाठी इबादत करावी असं ते म्हणाले आहेत. (mosques and madrassas should pray on 22 January ram mandir day said rss indresh kumar)

आकाशवाणीच्या रंगभवनमध्ये 'राम मंदिर- राष्ट्र मंदिर- एस साझी विरासत: कुछ अनसुनी बाते' या पुस्तकाचे प्रकाशन करण्यात आले. यावेळी इंद्रेश कुमार बोलत होते. २२ जानेवारीला रात्रीच्या वेळी अशा ठिकाणी दिवे लावावे असंही ते म्हणाले आहेत. २२ जानेवारी रोजी संपूर्ण देशात दिवाळी साजरे करा. घरोघरी दिवे लावा असं आवाहन पंतप्रधान नरेंद्र मोदी यांनी शनिवारी केलं होतं.

इंद्रेश कुमार म्हणाले की, सगळ्यांचा डीएनए सारखाच आहे. नॅशनल कॉन्फरेन्सचे नेते फारुख अब्दुल्ला म्हणतात की राम फक्त हिंदूचे नाहीत, तर सर्वांचे आहेत. आम्ही हे नाकारलं नाही. फारुख यांनी आयएनडीआयएला सांगावं की इबादत कण्यासाठी कोणत्या निमंत्रणाची गरज नाही. मुस्लिम राष्ट्रीय मंचचे कार्यकर्ता ६ ते १५ दिवसांपर्यंत पदयात्रा करत अयोध्येमध्ये येतील.

रामाची आपल्याला गरज

केरळचे राज्यपाल आरिफ मोहम्मगद यांनी देखील याबाबत भाष्य केलं. ते म्हणाले की, मर्यादा पुरुषोत्तम रामाची भारताला आवश्यकता आहे. येणाऱ्या पिढीने रामाला जाणून घेणे महत्त्वाचे आहे. मानव हा केवळ सामाजिक प्राणी नाही, तर तो महत्वाकांक्षी व्यक्ती आहे. त्याच्यासमोर आदर्श नसतील तर तो अनिर्बंध होईल. (Latest Marathi News)