MP Assembly Election: मध्य प्रदेशात विधानसभा निवडणुकीच्या पार्श्वभूमीवर राजकीय वातावरण तापले आहे. निवडणुकांच्या पार्श्वभूमीवर सरकारी कर्मचाऱ्यांनाही ड्युटी लावण्यात येणार आहे. त्यांना शासनाकडून याबाबत प्रशिक्षण दिले जात आहे. मात्र एक संस्कृत शिक्षक प्रशिक्षणासाठी गेले नाहीत. त्यामुळे त्यांना याचा जाब विचारला असता त्याने लग्नाची मागणी केली.

टाइम्स ऑफ इंडियाने दिलेल्या वृत्तानुसार, या शिक्षकाला प्रशासनातर्फे नोटीस बजावण्यात आली. नोटीसला उत्तर देताना शिक्षक अखिलेश कुमार मिश्रा यांनी लिहिले, "माझे संपूर्ण आयुष्य पत्नीशिवाय गेले आहे. आतापर्यंतच्या सगळ्या रात्री वाया गेल्या आहेत. सगळ्यात आधी माझं लग्न करा". (MP Election News)

पत्रात अखिलेश यांनी साडेतीन लाख रुपयांचा हुंडा मागितला आहे. याशिवाय फॅल्ट खरेदीसाठी कर्ज मंजूर करण्याची मागणी देखील केली आहे.पत्राच्या शेवटी त्यांनी लिहिले, 'मी काय करू? माझ्याकडे शब्द नाहीत. तुम्ही ज्ञानाचा सागर आहात.

शिक्षक अखिलेशकुमार मिश्रा यांच्या या जबाबानंतर जिल्हाधिकाऱ्यांनी त्यांना निलंबित केले. अखिलेश यांच्यासोबत काम करणाऱ्या काही लोकांनी सांगितले की, ते काही वर्षांपासून तणावाखाली आहेत. अन्यथा असे पत्र कोण लिहिते. गेल्या एक वर्षापासून ते फोनही वापरत नसल्याचे त्यांच्या सहकाऱ्यांनी सांगितले.