भोपाळ: दुसऱ्या जातीच्या मुलाच्या प्रेमात पडून त्याच्याशी विवाह केला म्हणून ५५ वर्षीय पित्याने पोटच्या मुलीवर बलात्कार (Rape) करुन तिची हत्या केली. मध्य प्रदेशच्या भोपाळ जिल्ह्यातील (Madhya pradesh bhopal) रतीबादमध्ये ही धक्कादायक घटना घडली. दोन दिवसांपूर्वी जिल्ह्यातील समसगडच्या जंगलात (Samasgad forest) महिला आणि तिच्या आठ महिन्यांच्या मुलाचा मृतदेह सापडला.
बाळावर (Infant) अंत्यसंस्कार करण्यासाठी म्हणून आरोपी पिता मुलीला जंगलात घेऊन गेला होता. तिथे मुलीच्या लग्नावरुन दोघांमध्ये वाद झाला. वर्षभरापूर्वी मुलीचे लग्न झाले होते. आरोपी पित्याने त्यानंतर मुलीवर बलात्कार केला आणि गळा आवळून तिची हत्या केली.
आरोपीने गुन्ह्याची कबुली दिली असून पोलिसांनी आरोपी विरोधात हत्येचे कलम ३०२ आणि कलम ३७६ अंतर्गत गुन्हा नोंदवला आहे. इंडिया टुडेने हे वृत्त दिलं आहे.
"दोन दिवसांपूर्वी समसगडच्या जंगलात महिलेचा छिन-विछिन्न झालेला मृतदेह आणि मुलाचा मृतदेह आढळला" असे रतिबादचे एसएचओ सुदेश तिवारी यांनी सांगितले. तपास सुरु केल्यानंतर पोलिसांना, मृत महिलेने पळून जाऊन दुसऱ्या जातीतील मुलाबरोबर लग्न केल्यामुळे कुटुंबीय तिच्यावर नाराज असल्याची माहिती मिळाली. कुटुंबाची चौकशी केल्यानंतर पित्याने गुन्ह्याची कबुली दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.