विविध क्षेत्रातील अनेक बड्या सेलिब्रिटींकडून जाहिरातीसंदर्भातील नियमांचे उल्लंघन केले जात असल्याची धक्कादायक माहिती समोर आली आहे. या सेलिब्रिटींमध्ये क्रिकेटर एमएस धोनी हा पहिल्या क्रमांकावर असून युट्यूबर भुवन बामचा दुसरा क्रमांक आहे.

या दोघांसह अनेक इतरही अनेक सेलिब्रिटी जाहिरात नियमांचे उल्लंघन करत असल्याच्या तक्रारी प्राप्त झाल्या असल्यचे अॅडव्हर्टायझिंग स्टँडर्ड्स कौन्सिल ऑफ इंडिया (ASCI) च्या ताज्या अहवालात म्हटले आहे. अशा पध्दतीने जाहिरातींचे नियम मोडणाऱ्या सेलिब्रिटींची नावे ASCI ने आपल्या रिपोर्टमध्ये जारी केली आहेत.

ASCI ने 2022-23 साठी एक अहवाल प्रसिद्ध केला आहे. ज्यामध्ये त्यांनी 7,928 जाहिरातींचे विश्लेषण केले आहे. या अहवालात अशा अनेक सेलिब्रिटींची नावे समोर आली आहेत, ज्यांनी इन्फ्लुअन्सर म्हणून एएससीआयच्या नियमांचे उल्लंघन केले. तसेच जाहिरातीपूर्वी या सेलिब्रिटींनी त्यांच्या वतीने कंपनी किंवा उत्पादनाची सखोल चौकशी केली नसल्याचा देखील आरोप आहे.

FY23 मध्ये सेलिब्रिटींविरुद्धच्या तक्रारींमध्ये 803% वाढ झाली आहे. आर्थिक वर्ष 22 मध्ये केवळ 55 तक्रारी प्राप्त झाल्या होत्या, यावेळी हा आकडा वाढून 503 जाहिरातींवर पोहोचला आहे.

इंस्टाग्रामवर जाहिरात नियमांचे सर्वाधिक उल्लंघन होते ज्याचे प्रमाण 33% होते. त्याच वेळी, 31% नियम मोडणाऱ्या जाहिराती फेसबुकच्या होत्या. तर 22% वेबसाइटवरून, 12% या YouTube आणि 2% इतर स्त्रोतांकडून दाखवण्यात आल्या. पर्सनल केअरच्या सर्वाधिक 35.56% जाहिरातींनी नियमांचे उल्लंघन केले आहे. त्याच वेळी, यानंतर, खाद्य आणि पेय श्रेणीतील 14.57% जाहिरातींनी नियमांचे उल्लंघन केले.

या यादीत कोणाचा समावेश आहे?

या यादीत पहिले नाव येते ते महेंद्रसिंग धोनीचे. त्यानंतर भुवन बाम, जिम सरभ, विराट कोहली, विशाल मल्होत्रा, श्रद्धा कपूर, रणवीर सिंग, सारा अली खान, राहुल देव, क्रिती सेनन, मनोज तिवारी, काजल अग्रवाल यांसारख्या बड्या हस्तींच्या नावांचाही यात समावेश आहे.

ASCI काय आहे आणि त्यांचा अहवाल काय सांगतो?

तर 1985 मध्ये स्थापन करण्यात आलेली अॅडव्हर्टायझिंग स्टँडर्ड्स कौन्सिल ऑफ इंडिया (ASCI) ही देशाच्या जाहिरात उद्योगासंबंधीत सेल्फ रेग्युलेटरी बॉडी आहे. जी दिशाभूल करणाऱ्या, चुकीच्या, हानिकारक जाहिरातींवर रिपोर्ट जारी करते. ASCI ला 2022-23 करिता 8,951 तक्रारी प्राप्त झाल्या, त्यापैकी 7,928 तक्रारींवर त्यांनी कारवाई केली. या 7,928 पैकी 97% जाहिराती अशा होत्या ज्यात सुधारणा आवश्यक होती.

यातील 75% जाहिराती डिजिटल माध्यमांच्या होत्या. यानंतर 21% जाहिराती छापण्यात आलेल्या होत्या. तसेच प्लॅटफफॉर्मचा विचार करता इंस्टाग्रामवर जाहिरात नियमांचे सर्वाधिक उल्लंघन होते. ज्याचे प्रमाण 33% होते.

त्याच वेळी, 31% नियम मोडणाऱ्या जाहिराती या फेसबुकच्या होत्या. तर 22% वेबसाइटवरून, 12% या YouTube आणि 2% इतर स्त्रोतांकडून दाखवण्यात आल्या. पर्सनल केअरच्या सर्वाधिक 35.56% जाहिरातींनी नियमांचे उल्लंघन केले आहे. त्याच वेळी, यानंतर, खाद्य आणि पेय श्रेणीतील 14.57% जाहिरातींनी नियमांचे उल्लंघन केले.