पश्चिम दिल्लीतील (Delhi) ग्रीन लाईनवरील मुंडका मेट्रो स्टेशनजवळील (Mundka metro station) एका व्यावसायिक इमारतीला शुक्रवारी संध्याकाळी भीषण आग लागल्याने 27 जणांचा मृत्यू झाल्याची माहिती एका अधिकाऱ्याने दिली. दिल्लीचे मुख्यमंत्री अरविंद केजरीवाल आणि उपमुख्यमंत्री मनीष सिसोदिया यांनी शनिवारी मुंडका येथील इमारतीला भेट दिली. यावेळी त्यांनी अधिकाऱ्यांकडून परिस्थितीची माहिती घेतल्यानंतर या घटनेच्या न्यायालयीन चौकशीचे आदेश देण्यात आले आहेत. यासोबतच दिल्ली सरकारने मृतांच्या नातेवाईकांना प्रत्येकी 10 लाख रुपये आणि जखमींना 50 हजार रुपयांची भरपाई जाहीर केली आहे.
मृतांप्रती शोक व्यक्त करताना मुख्यमंत्री केजरीवाल यांनी त्यांची ओळख पटवण्यासाठी त्यांच्या मृतदेहाची डीएनए चाचणी करून घेण्याचे सांगितले आहे. या दुर्घटनेमागे जो कोणी दोषी असेल त्याला सोडले जाणार नाही, असे केजरीवाल यांनी वक्तव्य केले आहे. बचावकार्य सातत्याने सुरू आहे.
दिल्लीतील मुंडका परिसरातील एका तीन मजली इमारतीला शुक्रवारी सायंकाळी भीषण आग (Delhi Mundka Fire) लागली. या अपघातात 27 जणांचा मृत्यू झाला. 50 लोकांना सुरक्षित बाहेर काढण्यात आले आहे. जखमींना रुग्णालयात दाखल करण्यात आले आहे.
अजूनही अनेक लोक इमारतीत अडकले आहेत. अनेक लोक बेपत्ता असल्याचे सांगण्यात येत आहे. त्यांचा शोध सुरूच आहे. ग्रीन कॉरिडॉर करून जखमींना संजय गांधी रुग्णालयात पाठवण्यात आले. अग्निशमन दलाच्या 30 गाड्या घटनास्थळी पोहोचल्या असून आग विझवण्यात गुंतल्या आहेत.
पोलिसांनी दिलेल्या माहितीनुसार, कंपनीचे मालक हरीश गोयल आणि वरुण गोयल यांनी अटक करण्यात आली आहे. इमारतीच्या मालकाची ओळक मनीष लाकारा यांच्याद्वारे झाली आहे. जो इमारतीच्या सर्वात वरच्या फ्लोर वर राहत होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.