लखनऊ : एखाद्या नावडत्या व्यक्तीनं किंवा इतर धर्मियांनी हिंदू मंदिरांना भेट दिल्यानंतर गोमुत्र किंवा गंगाजल शिंपडून त्याचं शुद्धीकरण करण्याच्या अंधश्रद्ध प्रकारांमध्ये वाढ झाली आहे. अशीच एक घटना उत्तर प्रदेशात घडली असून एका मुस्लिम महिला आमदाराला या प्रसंगाला सामोरं जावं लागलं आहे.

या मुस्लीम आमदार महिलेनं हिंदू मंदिराला भेट दिल्यानंतर त्याच्या शुद्धीकरणाचा प्रकार समोर आला आहे. (Muslim women MLA visited the temple BJP leader performed purification by sprinkling Ganga water)

समाजवादी पार्टीच्या आमदार सायदा खातून यांनी दावा केला आहे की, "शनिवारी मी सिद्धार्थनगर जिल्ह्यातील धोमारियागंज या आपल्या मतदारसंघातील बालवा गावात गेले होते. इथल्या ग्रामस्थांनी संध्याकाळी 'महाचंडी यज्ञा'चं आयोजन केलं होतं. या कार्यक्रमाला हजेरी लावल्यानंतर त्यांनी तिथल्या मंदिरालाही भेट दिली. (Marathi Tajya Batmya)

मंदिरभेटीवरुन वाद

मी मंदिरात जाणार असल्यानं काही लोक विनाकारण वाद निर्माण करण्याचा प्रयत्न करत होते, तरीही मला मंदिरात जाण्यापासून ग्रामस्थांपैकी कोणीही रोखलं नाही. मी मतदारसंघातील अनेक मंदिरांसाठी काम केलं आहे तसेच या ठिकाणांना भेटी दिल्या आहेत. पण तरीही काही लोकांनी वैयक्तिक प्रसिद्धीसाठी विनाकारण माझ्या मंदिर भेटीवरुन वाद निर्माण करण्याचा प्रयत्न केला, असंही खातून यांनी म्हटलं. (Latest Marathi News)

मांसाहारी असल्यानं शुद्धीकरण

पण हिंदू गटानं आरोप केला की, आमदार महिला ही दुसऱ्या धर्माची आहे. त्यामुळं तिच्या भेटीमुळं मंदिराचं पावित्र्य धोक्यात येईल. त्यामुळं माझ्या मंदिर भेटीनंतर या लोकांनी गंगेचं पाणी शिंपडून मंदिराचं शुद्धिकरण करण्याचा प्रयत्न केला. ज्यानं हा प्रकार केला त्या धर्मराज वर्मा नामक व्यक्तीनं म्हटलं की, खातून यांनी आमच्या मंदिराचं पावित्र भंग केलं. त्या मांसाहारी असल्यानं त्यांनी मंदिराला भेट देणं टाळायला हवं होतं. (Latest Marathi News)

शुद्धीकरण करणारा भाजपचा नेता

या घटनेनंतर पोलिसांनी बलवा गावातील सुरक्षेत वाढ केली आहे. पण याप्रकरणी त्यांनी अद्याप गुन्हा दाखल केलेला नाही. शुद्धीकरणाचं कृत्य करणारा वर्मा हा भाजपचा जुना कार्यकर्ता असल्याचं भाजपच्या जिल्हाध्यक्ष कन्हैय्या पासवान यांनी सांगितलं.