गुवाहाटी : कोरोना व्हायरसचा प्रादुर्भाव मोठ्या प्रमाणात वाढला असून संपूर्ण देश लॉकडाऊन असल्याचा फटका उद्योगधंद्याना बसत आहे. कोरोनाव्हायरसच्या प्रादुर्भावाने संपूर्ण अर्थव्यवस्था ठप्प आहे. अशात अत्यावश्यक असणाऱ्या वस्तू महाग झाल्यानं सर्वसामान्यांना समस्या निर्माण होत आहे. नागालँड सरकारनं आपल्या राज्यात पेट्रोल आणि डिझेलवर सेस वाढवण्याचा निर्णय घेतला आहे. इंधनावर कोविड-19 सेस आणि टॅक्स असं दोन्ही वाढवणारं देशातील हे पहिलंच राज्य आहे. पेट्रोलवर प्रतिलिटर ६ तर डिझेलवर ५ रुपये सेस आकारण्यात येणार आहे. यासंदर्भात मंगळवारी रात्री नागालँड सरकारकडून घोषणा करण्यात आली आहे.

ताज्या बातम्यांसाठी डाऊनलोड करा ई-सकाळचे ऍप

आज (ता. २९) मध्यरात्रीपासून राज्यात सेसची अंमलबजावणी करण्यात येणार आहे. नागालँड टॅक्सेशन अॅक्ट १९६७ कायद्यांतर्गत हा नवीन कर आकारला जाणार असल्याची घोषणा राज्यपाल यांनी केली आहे. इंधनावर असणारा कर त्यासोबत सेस आणि अतिरिक्त कोविड-१९चा उपकरही आकारण्यात येणार असल्याची माहिती अतिरिक्त मुख्य सचिव आणि वित्त आयुक्तांनी दिली आहे. वाढलेल्या या दरामुळे पेट्रोल-डिझेलचे दर आता गगनाला भिडणार आहेत.

Coronavirus : 'या' तारखेपासून भारतात होणार रोज एक लाख टेस्ट; आरोग्यमंत्र्यांची माहिती

दरम्यान, कोरोनाच्या पार्श्वभूमीवर 3 मेपर्यंत लॉकडाऊन वाढवण्यात आला आहे. प्रशासनाकडून घरी राहण्याचं वारंवार आवाहन केलं जात आहे. तरीही लॉकडाऊनच्या नियमांचं उल्लंघन अनेक ठिकाणी होत असल्याचं पाहायला मिळत आहे. त्यात आधीच उद्योगधंदे ठप्प आणि आर्थिक अडचणी आहेत. कोरोनाच्या पार्श्वभूमीवर नागालँड सरकारनं घेतलेल्या या निर्णयामुळे सर्वसामान्य नागरिकांच्या अडचणीत आणखी वाढ होणार असल्याचे स्पष्ट दिसत आहे.