तामिळनाडू (Tamilnadu) सरकारने गुरूवारी राजीव गांधी (Rajiv Gandhi) हत्या प्रकरणातील दोषी नलिनी श्रीहरनच्या (Nalini Sriharan) एक महिन्यांच्या पॅरोलला मंजूरी दिली आहे. राजीव गांधी हत्या प्रकरणातील ७ दोषींपैकी नलिनी एक आहे. आजारी आईला भेटण्यासाठी नलिनीचा हा पॅरोल मंजूर करण्यात आला आहे.

राज्याचे विशेष सरकारी वकील हसन मोहम्मद जिनाह यांनी मद्रास न्यायालयाला सांगितले की, सरकारने नलिनीचा जामीण मंजूर केला आहे. नलिनी सध्या वेल्लोरे तुरुंगात आपली शिक्षा भोगते आहे. २८ वर्षांपासून नलिनी तुरुंगात शिक्षा भोगत असून मद्रास उच्च न्यायालयाकडून तिला पॅरोल मंजूर करण्यात आला आहे.