नवी दिल्ली : फक्त सुसाईड नोटमध्ये नाव असल्याने संबंधित व्यक्ती दोषी ठरत नाही, असं महत्वपूर्ण निरीक्षण पंजाब आणि हरियाणा हायकोर्टानं (Pujab Haryana High Court) नोंदवलं आहे. पंजाबच्या एका रहिवाशाविरोधातील आत्महत्येस प्रवृत्त केल्याप्रकरणातील गुन्हा रद्द करताना न्यायालयानं हे मत मांडलं.

आयपीसीच्या कलम ३०६ (आत्महत्येला प्रवृत्त करणे) अंतर्गत नोंदवलेला गुन्हा रद्द करण्यात यावा, अशी मागणी करणारी याचिका हरभजन संधूने उच्च न्यायालयात दाखल केली होती. तक्रारीनुसार, हरभजनचा मेहुणा बलजिंदर कुमार आणि इतर ६-७ जणांनी १८ फेब्रुवारी २०१९ रोजी मनजीत लाल यांच्यावर प्राणघातक हल्ला केला होता. त्यानंतर मनजीत लाल यांनी आत्महत्या केली. मंजीत लालचे वडील जसविंदर लाल यांनी आरोप केला होता की, काही लोकांना मारहाण केल्यामुळे मनजीतने आत्महत्या केली. एफआयआर आणि सुसाईड नोटमधील माहिती पूर्ण बरोबर मानली तरी याचिकाकर्त्याविरुद्ध आयपीसीच्या कलम 306 अंतर्गत कोणताही गुन्हा दाखल करता येणार नाही. आत्महत्येला प्रवृत्त करण्याचा प्रश्नच येत नाही, असा युक्तीवाद याचिकाकर्त्याचे वकील कृष्णसिंग डडवाल यांनी असा युक्तिवाद केला. त्यानंतर दुसऱ्या पक्षाने याचा विरोध केला.

याप्रकरणी न्यायामूर्ती बेदी म्हणाले, ''गुन्ह्यातील माहिती पुढे येईपर्यंत फक्त सुसाईट नोटमध्ये नाव असल्याने आरोपी दोषी सिद्ध होत नाही. सुसाईड नोट पूर्णपणे बरोबर मानली तरी त्यातील आरोप गुन्हा ठरत नाही. त्यामुळे याचिकाकर्त्यावर कारवाई जाऊ शकत नाही.''