पंतप्रधान नरेंद्र मोदी (PM Narendra Modi) हे आज उत्तर प्रदेश (Uttar Pradesh) दौऱ्यावर आहेत. मेरठमध्ये (Meerut) पंतप्रधान नरेंद्र मोदी मेजर ध्यानचंद क्रीडा विद्यापीठाची (Major Dhyanchand Sports University) पायाभरणी करण्यासाठी पोहोचले आहेत. याआधी मोदी मेरठमधील स्पोर्ट्स कॉम्प्लेक्समध्ये पोहोचले होते. यावेळी मोदींनी जीमची पाहणी केली आणि चक्क व्यायामसुद्धा केला.

पंतप्रधान मोदींचा जीममध्ये व्यायाम करतानाचा व्हिडिओ संबित पात्रा यांनी शेअर केला आहे. हा व्हिडिओ शेअर करताना संबित पात्रा यांनी म्हटलं की, सशक्त, समृद्ध आणि स्वस्थ भारताचा पाया आपले यशस्वी पंतप्रधान नरेंद्र मोदी.

मेरठमधील सरधना शहरातील सलावा आणि कैली गावाजवळ क्रीडा विद्यापीठ उभारण्यात येणार आहे. यासाठी सुमारे 700 कोटी रुपये खर्च येणार आहे. पंतप्रधान कार्यालयाने जारी केलेल्या अधिकृत निवेदनात याची माहिती दिली आहे. पंतप्रधान मोदी मेरठमध्ये क्रीडा विद्यापीठाचा पायाभरणी समारंभ केल्यानंतर काही खेळाडुंशी संवादसुद्धा साधणार आहेत.