पंतप्रधान नरेंद्र मोदी यांनी आज कोरोना लसीच्या भारतीय उत्पादकांशी संवाद साधला. यामध्ये सीरम इन्स्टिट्यूट ऑफ इंडियाचे (एसआयआय) आदर पूनावाला देखील उपस्थित होते. यावेळी केंद्रीय आरोग्य मंत्री मनसुख मांडविय आणि आरोग्य राज्यमंत्री भारती पवार यांनी हजेरी लावली.

सीरम इन्स्टिट्यूट ऑफ इंडिया, भारत बायोटेक, डॉ रेड्डीज लॅबोरेटरिज् , झायडस कॅडिला, बायोलॉजिकल ई, जेनोव्हा बायोफार्मा आणि पॅनासिया बायोटेक या सात लस निर्मात्यांचे प्रतिनिधी बैठकीला उपस्थित होते.

देशाने 100 कोटी लसीकरणाचा टप्पा पार केल्यानंतर ही बैठक पार पडल्यामुळे येणाऱ्या काळात देशात लशींचा पुरवठा आणि त्याचे नियमन कशा पद्धतीने होणार यावर चर्चा झाल्याची प्राथमिक माहिती आहे. आरोग्य आणि कुटुंब कल्याण मंत्रालयाने माहिती प्रसिद्धी केली. मागील 24 तासांमध्ये 68 लाख 48 हजार 417 लशींचे डोस देण्यात आले. त्यामुळे भारतात कोरोना लस मिळालेल्या व्यक्तींचा आकडा 100 कोटींच्या वर जाऊन 101.30 कोटी झाला आहे. आज सकाळी ७ वाजेपर्यंतच्या अहवालानुसार ही माहिती समोर आली.

...तर आज भारत एक अब्ज डोस बनवू शकला नसता!

पंतप्रधानांनी सर्व सूत्र खूप वेगाने हलवली. आरोग्य मंत्रालयापासून सर्वांना तत्काळ कामाला लावले. जर ते नसते तर आज भारत एक अब्ज डोस बनवू शकला नसता, असा निर्वाळा सीरम इन्स्टिट्युटचे प्रमुख सायरस पूनावाला यांनी दिला. पंतप्रधानांची बैठक झाल्यानंतर त्यांनी हे वक्तव्य केल्याचं समोर येतंय.