राजधानी दिल्लीत काल एका इमारतीला आग लागून २७ जणांचा मृत्यू झाला. या दुर्घटनेत मृत्युमुखी पडलेल्या, तसंच जखमी झालेल्यांसाठी पंतप्रधान नरेंद्र मोदी यांनी मदत जाहीर केली आहे. काल या दुर्घटनेत २७ जणांचा मृत्यू झाला असून साधारण १२ जण जखमी झाले आहेत.

दिल्लीतल्या मुंडका मेट्रो स्टेशनजवळच्या या इमारतीला काल आग लागली. ३० अग्निशमन गाड्यांच्या मदतीने आग विझवण्यात यश आलं आहे. पंतप्रधान मोदींनी मृतांच्या नातेवाईकांना प्रत्येकी दोन लाख रुपयांची मदत जाहीर केली असून जखमींना प्रत्येकी ५० हजारांची मदत देण्यात येणार आहे.

दिल्लीतल्या या दुर्घटनेबद्दल मुख्यमंत्री अरविंद केजरीवाल यांनीही दुःख व्यक्त केलं आहे. आपण या प्रकरणावर लक्ष ठेवून आहोत, अधिकाऱ्यांच्या संपर्कात आहोत, बचावकार्य सुरू आहे, अशी माहितीही केजरीवाल यांनी ट्विट करत दिली आहे.