नवी दिल्ली : कोरोनाचा कहर गेल्या एक वर्षापासून संपूर्ण जगात सुरु आहे. भारतात देखील कोरोनाचा कहर अद्याप सुरुच आहे. कोरोनामुळे अनेक महत्त्वाच्या लोकांना आपले प्राण गमवावे लागले आहेत. आणि आता भारतीय नौसेनेच्या वरिष्ठ अधिकाऱ्याचं कोरोनामुळे निधन झालं आहे. पानबुडी व्हाईस एडमिरल असणारे श्रीकांत यांचं निधन काल सोमवारी रात्री झाल्याची माहिती एएनआय या वृत्तसंस्थेने दिली आहे. 

— ANI (@ANI) December 15, 2020

भारतीय नौसेनेच्या अधिकाऱ्यांनी सांगितलं की, दिल्लीमध्ये काल रात्री नौसेनेचे वरिष्ठ पानबुडी व्हाईस एडमिरल (seniormost submarine) श्रीकांत यांचं निधन कोरोनामुळे झालं आहे. ते प्रोजेक्ट सीबर्डचे डायरेक्टर जनरल होते. तसेच ते याआधी Inspector General Nuclear Safety & Commandant of NDC होते. गेल्या 24 तासांत भारतात कोरोनाचे नवे 22,065 रुग्ण सापडले आहेत. या नव्या रुग्णांसहित एकूण कोरोनाबाधितांचा देशातील आकडा हा 99,06,165 वर जाऊन पोहोचला आहे. तर गेल्या 24 तासांत 354 रुग्णांचा मृत्यू झाला आहे.