पश्चिम बंगालमध्ये ममता बॅनर्जी यांच्या तृणमुल काँग्रेस पक्षाच्या जबरदस्त कामगिरीनंतर प्रशात किशोर यांना अनेक जण मॅन ऑफ द मॅचचा किताब देत आहेत. पण प्रशात किशोर यांनी स्वत: मात्र वेगळीच घोषणा केली आहे. यापुढी मी निवडणूक रणनितीकार म्हणून काम करणार नाही, असे प्रशांत किशोर यांनी म्हटले आहे. "मी जे करतोय, ते काम मला पुढे सुरु ठेवायच नाही. मी भरपूर काम केलय. आता ब्रेक घेण्याची आणि आयुष्यात दुसर काही तरी करण्याची वेळ आहे. मला हे काम सोडायचे आहे" असे किशोर यांनी NDTV दिलेल्या मुलाखतीत म्हटले आहे. पुन्हा राजकारणात प्रवेश करणार का? या प्रश्नावर ते म्हणाले की, मी अपयशी राजकारणी आहे.
बंगाल निवडणुकीबद्दल बोलताना ते म्हणाले की, "मला निवडणुकीचे निकाल तृणमुलच्या बाजूने एकतर्फी वाटतात. निवडणूक आयोग पक्षपातीपणे वागला आणि आमची प्रचार मोहीम कठीण केली. तृणमुल चांगल्या मताधिक्क्याने विजय मिळवत आहे." पंतप्रधान नरेंद्र मोदी लोकप्रिय आहेत, म्हणून भाजपा सगळ्याच निवडणुका जिंकणार नाही, असे ते म्हणाले.
दरम्यान पश्चिम बंगालमध्ये भाजपाचा पराभव होत असला, तरी प्रशांत किशोर यांना मोठ्या प्रमाणावर ट्रोल केले जात आहे. प्रशांत किशोर यांनी भाजपाला दोन आकडी जागाही जिंकता येणार नाहीत असा दावा केला होता. भाजपाने पश्चिम बंगालमध्ये चांगली कामगिरी केली, तर मी निवडणूक रणनितीचे काम सोडून देईन असे प्रशांत किशोर यांनी म्हटले होते. त्यामुळे युझर्स आता त्यांना प्रशांत किशोर यांचे टि्वटर सोडण्याची वाट पाहत आहोत असे म्हटले आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.