Corona Update : गेल्या 24 तासांमध्ये 322 नव्या रुग्णांची नोंद, केरळमध्ये एकाचा बळी; देशातील सक्रिय रुग्णांची संख्या 3,742 वर
Daily Covid Update : गेल्या 24 तासांमध्ये देशात 322 नव्या कोरोना रुग्णांची नोंद झाली असून, सध्या देशातील सक्रिय रुग्णांची संख्या 3,742 झाली आहे. यासोबतच काल दिवसभरात केरळमध्ये आणखी एका कोविड बळीची नोंद झाल्याची माहिती समोर आली आहे.
आरोग्य मंत्रालयाने दिलेल्या माहितीनुसार, केरळमध्ये शनिवारी 128 नव्या रुग्णांची नोंद झाली. याच दिवशी कर्नाटकात 96, महाराष्ट्रात 35 तर दिल्लीमध्ये 16 नव्या कोविड रुग्णांची नोंद झाली. शुक्रवारी एका दिवसात देशात 400 हून अधिक नव्या रुग्णांची नोंद झाली होती. त्या तुलनेने शनिवारी समोर आलेली रुग्णसंख्या कमी असल्यामुळे थोडा दिलासा मिळाला आहे.
नव्या व्हेरियंटने वाढवली चिंता
कोरोनाच्या जेएन.1 नव्या व्हेरियंटमुळे देशाचं टेन्शन वाढलं आहे. या व्हेरियंटची लागण झालेल्यांना घशात खवखव होणे हे वेगळं लक्षण दिसून येत आहे. गंभीर लागण झाल्यास किंवा उपचार न घेतल्यास चक्क आवाजही जाण्याचा धोका व्यक्त करण्यात येतो आहे.
केंद्र सरकारने या व्हेरियंटच्या पार्श्वभूमीवर राज्यांना सतर्कतेचा इशारा दिला आहे. न्यू इयर आणि ख्रिसमस साजरी करताना कोविडच्या नियमांचे पालन करण्याचे आवाहन नागरिकांना केलं जात आहे.
आरोग्य संघटनेचा दिलासा
दरम्यान, जागतिक आरोग्य संघटनेने एक दिलासादायक माहिती दिली आहे. कोरोनाचा हा नवा व्हेरियंट वेगळा असला, तरी तो जास्त घातक किंवा धोकादायक असल्याचं अद्याप स्पष्ट झालेलं नाही. त्यामुळे जुन्याच लसींचा वापर करून याला आळा घालणं शक्य असल्याचं WHO ने म्हटलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.